30歲之後，便發覺好朋友愈來愈少，新認識的朋友很難變得熟絡。後生時，可以成班人行街、唱Ｋ、落club直落...再飲個早茶先返歸；以家會寧願係屋企Netflix & chill。以前係個whatsapp gp約去玩，由有好多人和應：x1 或 +1......變到以家都好多人ignore，直接問人地，通常收到既答案係 陪老公 陪老婆 湊Ｂ約其他同齡既單身人士出去，都係听苦水多：老細有幾6uo，條友又幾煩，到頭來發覺其實 自己一個更開心。一個人食飯、旅行、睇戲、行山，反而更令自己更專注做緊既事。因為如果有人陪你做呢啲事，大家目標可能會唔相同。例如，有間餐廳你好想試，跟住你約左時間、地點match到既人陪你去。可能你純綷想試下啲食物，但對方可能係想食你多啲。我唔係話叫大家去做孤獨精，當然每個人都有社交既需要而係想同大家講：一個人獨處並其實不可怕......因為人大咗，每個人都應該學識同自己相處。
