零售業銷售方法有好多，本篇分享下我既心得：1. 傳統方法──開舖頭開舖頭係成本最高既方法之一，特別係香港地少人多，租金特別貴，即使疫情期間要搵月租一萬以下既商舖係極少（劏場除外）。除非，老細親自睇舖，否則，人工最少都過萬。加上水電管理費，同埋按金，未賺錢已經使左一大筆。實體舖好處可以好容易咁吸引附近的住客、上班族、路人光顧。交易容易，收錢快，免運費。銷售人員可即時解答客人疑難、運用銷售技巧做推廣、與客人建立關係。2. 寄賣由開舖引伸出的方法──寄賣，它有實體舖的好處，但又不用更大的成本。壞處係效益低，一來客人對格仔舖的產品信心低，二來啲Sales通常唔會好落力幫你sell，even佢地有佣抽都好。看舖頭時睇Netflix、打傳說係基本野...我見過有職員返工個陣食懶人火鍋，我真係見過！３. IG , Carousell , facebook markplace呢顃App成本極低，可以係$0（金錢上），但缺點好多，包括：運費貴↓通常時都係用SF送貨，最少$30；就算約交收，都係攞黎搞，放飛機、遲到、失蹤經常性發生需時長↓因為睇唔到實物，買家會問一大堆問題，貨品傾完，收錢要傾，交貨又要傾。客人素質低↓有啲客當自己王子公主咁，要隨傳隨到，要就佢時間地點，有啲仲唔肯俾電話......計埋時間成本其實真係攞黎搞好處係產品容易曝光；遇到好客，做成happy Deal，有啲真係成為長期顧客。如果人手夠，時間地點又就到，其實都可以考慮。4. 直播 , WhatApp Group直播 , WhatApp Group係新興的方法之一，Host既個人魅力係賣點，我發現有啲客落單係因為當時氣氛所致，人買我又買。好處係成本唔高，有時某啲產品中到，可以賣過百件。壞處係，退單機率大，交收成本高。5. hktvmall、京東、蝦皮、ebay、Amazon呢類平台都會收入場費、佣金、交易後約10-40日先收錢；好處係流量大，而且幫你做埋收錢同送貨個part。6. 批發如果你係Brand owner或品牌地區代理就好易做，個Brand夠吸引，自己大把人主動搵你。如果你2樣都唔係，又想食批發條水，真係好唔容易。除非你有特別既賣點，例如你同總代理有親，佢做唔切過啲單俾你，或者你可以提供一站式服務，等啲分銷商可以搵你一個等於搵哂咁多間咁。7. 市集 / 展銷 / 散貨場 / 市宵呢類我只做過3日，唔計人工，只係搵到個租金。俾我感覺都係用黎播種，派下卡片同Sample咁。
