呢年可以講得上是最多變化既一年呱• 做左份工差吾多7年了，但自己知道其實近呢2，3年除左做，有好多野錯過左。 一味死做，狂做，天昏地暗。轉轉接接，我堅快癲了。 6月15號，決定辭職。當時都覚自己衝動，但後悔，我唔會。 身邊D人好似好驚訝甘，但好支持我走，好正。 再諗公司個瘋婦亦無謂，再點擺脫，等自己好過一點。 之後，就燃起左實現夢想的計劃，去歐洲！ 嘩，D人一聽到，反應係，你癲左咩，你一陣暈左就xxxx了。 我知大家其實關心我。 但我真想為自己做一點小事。於是，就訂機票，對於一個大懵傻人，當然有大把烏籠野發生。 首先，打開個地圖，嘩，原來法國上面就係荷蘭，噢，隔離係德國 etc.. 古怪地我又好醒甘訂去程法國，回程荷蘭。 中間，我仲加插左barcelona 同比利時添。 Ps:我個陣連時差都未識計。 Ticket 又打錯名呢 直至起飛前一日，我未訂酒店，因為我吾識睇地圖，一公里姐係幾多。天呀。 為了不想弟一日訓街，我就訂了機場附近酒店。 我覚得個度應該近狄士尼，哈哈，中左。 第一日我住pullman hotel. 1落機就去搵shuttle。 吖，原來法國真係無小王子博物館的. 仲有，原來法國係無電梯的，大部份既station都係行樓梯。我個喼重到呢。 香港人，吾好俾人睇死，幾重都抬，笑住甘枱。 我向香港都小搭地鐵，見到個站d 線多到暈，狂轉線，問人問人，再問人，搭左半日，我識教番你點轉線了！哈哈！ 第一日住嘅酒店，向機場附近，即荒地，但我直覺覺得，廸士尼同我好近，收拾一下行李(酒店都幾dirty).一口氣食晒向香港買嚟嘅一包夾糖，沖涼，咩都吾好諗，為我明天搵巴斯之旅計劃！我有三寶朋友， Google map ，喼，電話。 可能大家會笑我無計劃，好笨，但我真係第一次出走，所以為安全起見，我著了對boot 用個防水袋將証件，小小現金，寫左自己名呀保險之類嘅資料，包得好好甘，每日著襪時著埋(吾臭的)，我心諗，如果，不幸被打劫，我都仲有小小野，即係我成身，最緊要係隻右腳保住。 第二朝，好開心甘出發，我比想像中順利到達目的地，我向門口見到座城堡已經好開心了，自己跑去買飛，大概七百蚊張啦。 我已放底了世俗的眼光：一個人都嚟呢d 地方玩。我照跟排坐小火車，成班小朋友尖叫，因為太逼真了，有爆炸，特技，晒水，地震，架車會打斜甘之類，好好玩吖！ 落車，我就真奔去搵巴斯了，呢個就係我嚟法國的目的之一。影左幾張相，睇埋超正的花車巡遊，高飛，獅子王，好多，好真，佈置亦好靚。人亦好多。 累了，是時候回去，因為我整個旅程是沒有計劃過，但我有自己定了來的目的。我會按目標進發，不管路程怎樣。 第二日，我就去了鐵塔，羅浮宮，塞奈河，老佛爺，諗住好型甘食個雪糕坐底享受下，落雨吖！ 懶理，反正無人識我，照樣淋住雨咁坐向到食，好開心。 去下城堡，香榭麗舍大道，入下lv看下人生百態，隨心而行，有地方就訓，就是這樣，行錯路，再行過，吾好急，唔好躁，急就會亂的確。 我知自己能順利來到已是很幸運，亦知自己沒有準備過任何嘢，就要承擔番后果，除了頭二日的住宿，所有嚟緊的行程的食住行是見步行步的，當一個mission is completed.我就開始下一個，接住接住落去，只知向前行得多，我能親眼睇到的更多，個個都話我膽子很大，其實，係我怕再年紀大點時，連勇氣都沒有。
