摩洛哥小鎮Chefchaouen舍夫沙萬，又稱「紗富彎」，但更多人叫佢「藍城」，因為成個城市都係一片粉藍色，被譽為世上其中一個最夢幻的打卡小鎮講係咁講，需知IG上充斥住各種各樣的照騙，Tune色P圖濾鏡之下，摩士公園泳池都可以係藍城呀我出發前一直都好懷疑，有網上既6成都當你嬴事實係去到之後 ——- 有無攪錯! 係100%無花無假咁藍咁夢幻呀!!!!我更認為呢度係除撒哈拉沙漠之外，摩洛哥旅遊絕對必到景點! ======================== ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ===================================== Chefchaouen舍夫沙萬建議遊玩日數 : 1至1.5日 市內交通 景點 我的住宿推薦 吃過的食肆 離開交通 1. 市內交通Chefchaouen的藍色地帶屬於舊山城區Medina範圍，地大且道路複雜，只能全程用對腳嚟行路，輪椅的話就大約去到60%既地方啦而要去舊城區，一般都係巴士總站坐的士車程約5-7分鐘，當地人話費用大約係20Dh ~約$17港幣per car但摩洛哥的士佬邊有咁順灘~我既經驗係佢劈頭就話要40Dh ~約$34港幣一個人，仲要係泥鯭的佢劈我我當然劈返佢，最後係寒風暴雨下，快速25Dh~約$21港幣成交 另外由於藍城舊城區真係太大，你可能要問定住宿「同的士講邊個地方落車好?」萬一去錯入口，妳要有孭住10kg背囊迷住路由金鐘PP行上中環PMQ既覺悟呀 2. 景點A. 成個Medina都係景點根本就無景點老豆老母、阿哥細佬、條仔條女，只要行落街，每一處都係景點!Ee上面句野個pattern咁熟口面ge???咁係呀嗎!Medina之內每一幅牆，每個街口，每條樓梯，果種漂亮ge粉藍色，都可以係影到你唔停手既打卡熱點! 點擊圖片放大 +9 更抵死既係，唔係每種藍色都完全一樣，有d深d，有d淺，組合起嚟又好和諧ga wor!有d建築只係藍個底上層就純白色，又或有壁畫塗鴉，甚至商店外的地氈與紀念品，都在城市藍的襯托下變得極有趣味~ 點擊圖片放大 +3 對我嚟講，藍城可以話比Fes同Marrakesh更易盪失路如果大家問我上面d相既確實位置係邊，講真我真係答唔到你!反正Chefchaouen就係一個比你慢活遊盪既輕鬆小鎮~不過以我自身不準確的經驗嚟講，可以烏塔哈曼廣場Plaza Uta el Hamman為界線，東北部一帶既藍色會比較純，有趣既攝點亦比較多~ 同埋無聊的話，影下貓都係開心ge~ 烏塔哈曼廣場Plaza Uta el Hamman點擊圖片放大 +2 B. 某處要比錢入去的人地屋企如果你路過東北部somewhere，見到呢間話要收錢先可以入去影相既古宅唔好猶豫! 比啦! 一人5蚊Dh g ma!佢裡面set好哂個場比你慢慢玩，係度扮幪面超人都得呀! 仲要無限你時間~不過當然唔好比5蚊霸人一粒鐘啦…… 咁鬼平，比佢啦~ 屋裡面真係造得幾好~ Chok下係必須的~ Chok下係必須的~ 3. 後山小徑Bouzaafer到差不多開始日落時候，我強烈建議大家可以行下呢條後山小徑Bouzaafer地圖上難搵呢個名，但妳只要去到Bab El Onsar呢個地點，到時就會見到不遠處一條好明顯既行山小徑放心啦一d都唔難仲好多人行，真係盧吉道1/3 ga ja!沿路可以睇到成個Chefchaouen Medina既全景~除左極靚之外我都唔知可以講d咩~ 明顯見到ge上山路徑 呢個view真係無得輸~ D. 清真寺Bouzafer Mosque行山小徑的終點就係清真寺Bouzafer Mosque~呢處可以更一望無際，270度欣賞成個城市~當然指定動作就係睇埋日落啦~ 點擊圖片放大 +2 日落後都唔好走住~我聽旅遊行家朋友「一個旅生」話，日落後既藍城，會在晚霞之中變成紫色~但我影落就有d偏色了~不過，好似都無咩所謂啦~ 3. 我的住宿推薦唔使諗，Hotel dar kisania係我成個摩洛哥之旅既no.1住宿!佢係唯一一間Google與Booking.com同時都係最top評分，仲分別係4.9分同9.5 !住過就知點解!地點近中央廣場易搵唔使上山，房間又新又乾淨+冷暖氣十足，浴室無異味兼full power熱水無限，Staff英文又好又friendly，早餐朝朝都有唔同兼真心好味!最誇張係佢個天台本身就係大景點! 係度食早餐真係紙巾我都食得落!咁既質素，竟然每晚港幣$500樓下，會唔會太誇張!不過又咁，呢間Dar無Marrakesh果d泳池打卡大廳，亦要行3-4層樓梯無lift，有concern既朋友要注意下啦~但至少對我嚟講，佢真係摩洛哥best of the best既住宿~ 特別當你去完撒哈拉沙漠無熱水沖涼果陣…… 門口，地點非常易搵 welcome drinks and cakes~ 間房唔算好Riad feel，但好乾淨企理 Toilet有乾濕分離 天台夜景又係無得輸~ 天台個早餐又係無敵~ 睇住藍城既日出食早餐 就算落雨，一樣有靚地方比你食早餐同打卡~ ============================《Hotel dar kisania》Google 4.9分，Booking.com 9.5+212539988423淡季2人房約500港幣一晚Link in Booking.com : 呢度 ============================ 4. 吃過的食肆唔知係因為Medina歷史太悠久定係旅遊重鎮，幾乎清一色都係摩洛哥菜，即係清一色DLLM塔吉鍋而有趣地，我成個摩洛哥之旅，食過最好食同最難食既餐廳都係Chefchaouen呢度 A. Chez Fouad (Google寫Chez Foad，比招牌少左個u，懷疑串錯字)毫無疑問摩洛哥之旅最好食既一餐! Google有4.7分~店內由兩個老人家主理，裝修舊得嚟幾有特式，似係民宅改建，牆上掛著日本電視台既訪問報導食左少見既蝦仁塔吉鍋和沙甸魚塔吉鍋，更有摩洛哥少見既軟熟麵包塔吉鍋又香又鮮，同之前食既完全唔同!已經好多日無食過真係好食既食物了T_T 隔左個幾星期，終於有海鮮類入口 沙甸魚包一流 睇到呢張相都知有幾好食啦~ B. Restaurant HermanosPlaza Uta el Hamman既餐廳都收我比較夜，因為呢間Restaurant Hermanos睇Google評分有4.5我先入去印象最深係超級極多流浪貓想搶野食，而且無暖氣，好好好好好好好好好很凍味道都係大路既塔吉鍋無咩特別，無咩特別可以唔使嚟食 果晚好似得0度，點解我會食間無暖氣既露天餐廳…… 芝士焗肉碎，好難會難食ge 為了暖手，要叫個塔吉鍋當火鍋 唔好以為有貓就好玩，佢地周圍走好污糟ga C. Restaurant Hajji係上面果間Restaurant Hermanos對面，Google評分4.3裝修有特色，服務唔錯，份量大兼有擺盤，味道則是亳無疑問既摩洛哥之旅難食no.1燒羊扒真係燒左比你，但鹽都無粒，仲要凍ge炸魷魚圈唔脆、無味，d油多到渣返出嚟可以囉去炸雞Please black list 點解可以咁難食…… 又油又無味…… 5. 離開交通往來Chefchaouen主要都係CTM巴士去菲斯Fes最快要4h 10m (240 MAD)，丹吉爾Tangier則約2-3小時(130MAD)，視乎不同班次所需時間都唔同車飛同樣現場買or online買都得，兩者都要係Office現場再比10MAD = 8港幣行李費 要去呢度比行李錢 至於去車站的確可以坐返的士，不過極好運既我地當日撞正的士臨時大擺工所以真實測試到由Medina行去巴士總站大約需要15-20分鐘，全程向下落斜，跟google map就得唔易行唔辛苦的~ 沿路都熱鬧唔係冷巷，都可以啦 以上就係藍城Chefchaouen的旅遊資訊了~其實Fes同Tangier兩個城市都可以輕易搵到即日來回Chefchaouen既One day trip，不過每團多數只會stay 3-4小時又無話唔得ge，反正成個城市都係藍色，影4個鐘同影24個鐘分別真係唔會好大不過，我個人真係好鍾意藍城呀~~~~~~~呢度交通僻到咁，人生應該無咩機會再來一次，stay返一日一夜，好應份呀~ https://www.google.com/maps/d/u/0/edit?mid=1ea-DpNKxT8LR7g6ARazKjTq7_uBm-kc&usp=sharing ======================== ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ==========================================================================我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!=================================相關篇章 :摩洛哥之旅《出發前必看資訊大合集 (上) 行程路線計劃+交通攻略》《出發前必看資訊大合集 (下) 住宿選擇+美食攻略+必備物品》《1 – Casablanca卡隆布蘭卡只有水上清真寺?》《2 – Marrakesh馬拉喀什︱行不完的趣味古市集》《3 – Fes菲斯古城︱特登走去盪失路︱比錢去聞臭味?》 歐洲隨筆《002 – 德國人少見多怪的飲食習慣(上)》《003 – 德國人少見多怪的煮食習慣(下)》《005 – 卑鄙無恥的免費廁所全攻略》《006 – 路不同，各自遠走》《007 – 土耳其烤肉卷》《008 – 喚起聖誕的葡萄酒》《009 – 外國月亮特別圓，鬼佬床褥特別軟》《010 – 德國慕尼黑啤酒節全攻略》===============================Email : funggarcia@gmail.comwww.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlog
