菲斯Fes係摩洛哥四大古城中最老既城市，亦係前摩洛哥首都，中世紀既世界文化藝術中心等等……總之就係個城市既resume成寸厚，聽到都覺得勁啦~不過對遊客嚟講，除非你對歷史文化非常著迷，否則除左Fes既Medina古城外，幾乎無咩野睇只是無咩野睇唔等於唔值得睇，只係闖入古老迷城領略阿拉伯風情呢件事，已經足夠令人乖乖係度玩返一日啦~ ======================== 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker =====================================Fes菲斯建議遊玩日數 : 0.5至1日 文章概要 : 市內交通 景點 我的住宿推薦 吃過的食肆 離開交通 1. 市內交通同Marrakesh一樣，Fes以Medina為活動範圍地圖scale唔大，但個Medina好Q大，而且車輛不能進入，所以都係繼續用對腳行路啦~同樣要出去外面以的士為主，一般以Medina入口既「藍門Bab Boujeloud」為地標，大把的士磨刀霍霍向住你唔講價唔好上呀! 2. 景點A. 菲斯古城 Fes Medina基本上所有景點都係古城內，又或者咁講，Medina本身就係一個大景點個人覺得Fes比起Marrakesh無咁商業化，亦真係有本地人會幫襯d店舖，物價亦比較平，不過比較起來更加舊同污槽不過行過都ok ge，無人叫你lam塊地ga 點擊圖片放大 +5 Fes最聞名天下既，就係超過9千條橫街窄巷，係名副其實既阿拉伯迷宮!聽聞幾年前係裡面連GPS都無用detect唔到!百慕達嚟ga? 我盪失路既係咪要搵魔物煮飯ar?? 點擊圖片放大 +2 又估唔到迷宮飯又幾好睇~ 係越來越好睇果種~ 不過我呢次2025年去已經用到GPS，都算幾準但假如閣下係有GPS睇Google Map都會迷路既響良牙一族，都唔使驚，Fes Medina係有主大街一條直路的，你唔身痕走入橫巷無事ge~之係又咁講呀，有時間的話，係迷失於北非古城之中，聽落唔係一件非常浪漫既美事咩?~當然啦我行緊果陣落緊紅雨，唔慌唔浪漫 係真係好Q大雨! B. 皮革廠皮革廠可以話係Fes最出名既觀光地方出名咩呀? 出名臭law你當參觀臭豆腐廠個觀感就fit哂ga啦! 其實我覺得還好啦，係好臭，但頂盡咪深水埗公廁，大陸郊區d旱廁臭d總之就唔會係IG D大波妹話「一定要嚟打卡呀~」果種輕鬆程度啦聽聞因為我果日落大雨無人開工，所以完全見唔到皮革工人既日常，d大染缸都係得一種色睇唔到d咩唔緊要啦，我都已經係呢個俗世既大染缸浮沉得夠耐ga啦不過咁，過百近千年歷史既皮革廠真係極度少見，係值得嚟見識下ge! 一般遊客常去既皮革廠有2個 :Tannery ChouaraTanneries de Fes前者係Fes最大，亦係全世界最古老既皮革廠，已有成千年歷史後者則比較近大街同易搵d由於果日太大雨同時間有限，我係去左Tanneries de Fes的要睇佢有幾臭(?)，最佳方法係上皮革廠周圍既高處望落去，但要搵邊度係「高處」卻唔係咁易我係於d窄巷搵左一輪都一頭霧水，之後有個青年主動話帶我地上去，中途仲要穿過d女人街式鋪頭，無當地人帶路真係唔會識所以我主動比1蚊美金佢做Tips，好合理呀 其實d皮店都幾好影~ 另外Fes係Medina外面有皇宮，不過只能係門口影相，真係好有興趣和時間太多先去啦 3. 我的住宿推薦Fes d野分分鐘仲舊仲殘過Marrakesh，所以Medina同樣有水管太舊出現既「沖涼水壓唔夠」同「廁所好Q臭」等問題何況Fes既最大特色就係迷宮一樣既街道，次次返民宿都要行一次八陣圖，搵唔到路仲要比小費搵人帶路，何必呢所以我強烈建議大家住 Medina外圍，即舊城出面又靠近藍門既住宿 我今次呢間Dar Layali Fez距離藍門只步行5分鐘~古色古香之餘房間超勁大，兩個人住但有6個床位同閣樓，熱水無限+水壓十足，有齊冷暖氣，包早餐都只係4百蚊港紙，好抵呀! 點擊圖片放大 +3 個早餐係豐富，但全部都係Carb，你見我個樣就知我幾唔想食~ ======================《Dar Layali Fez》Google 4.9分+212617270509https://bit.ly/riadlayalifez淡季2人房約400港幣一晚Link in booking ====================== 如果大家想搵貴d ge，Fes有Marriott的~如果大家想搵平d ge，Medina內有好多Hostel同平價民宿，反正都係住一兩晚，好又一晚唔好又一晚啦只係我會想住好既一晚 4. 吃過的食肆Medina既重點餐廳依然都係塔吉鍋但比較起Marrakesh，好似多返少少西式coffee shop近藍門都有中餐館，有網友話味道唔錯塔吉鍋食到想死的話係唔錯既選擇 A. Cinema CafeGoogle有4.6分~似係Fes既文青café，見唔少當地後生仔女入嚟吹水or開電腦做野食物同香港既濕9 café一樣都係果d濕9意粉薯條漢堡包，份量同味道當然有誠意好多啦特別佢個捲餅Wrap超大份用料十足Carbonara因為無豬肉=無煙肉要用chicken ham嚟代替，立即淡左好多比起香港唔貴，整體中上，食厭塔吉鍋既可以一試! B. Culture Box另一間有名既文青café，感覺主打外國遊客雞皇飯同Camel Burger都係合格程度only，特別Camel burger又乾又鞋，雖然香口，但d香料令你完全唔會知自己食緊d乜肉，你話係龍肉都得啦!反而飲品Hot ginger with Lemon and Honey酸得嚟好飲Google有4.8分個個讚ga!所以可能係我叫唔中佢好味既野食啦 點擊圖片放大 個樣幾認真，其實只係頭痛緊食乜 5. 離開交通Fes同樣有火車去Casablanca、Marrakesh、Rabat同Tangier但由於多數人既下一站都係「藍城」舍夫沙萬Chefchaouen，所以都係坐巴士為主係Medina藍門坐的士到CTM巴士總站大約20MAD = 16港幣，車程約10分鐘車飛同樣現場買or online買都得，兩者都要係現場再比10MAD = 8港幣行李費 Fes就係咁多~我會覺得佢係一個無乜野睇但又值得一到既城市但個個人感覺唔同，有網友講過佢鍾意到stay左3、4日，所以佢應該有一d我未發掘到既魅力咁呢方面就靠大家了~ https://www.google.com/maps/d/u/0/edit?mid=1ea-DpNKxT8LR7g6ARazKjTq7_uBm-kc&usp=sharing ================================================ 請大家Follow我Instagram啦~Instagram : https://www.instagram.com/fung_garcia_backpacker/ 另外Threads果邊有我其他教書同旅行既攪笑/悲慘故事，快d follow埋啦~https://www.threads.com/@fung_garcia_backpacker ===================================== =====================================我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!=================================相關篇章 :摩洛哥之旅《出發前必看資訊大合集 (上) 行程路線計劃+交通攻略》《出發前必看資訊大合集 (下) 住宿選擇+美食攻略+必備物品》《1 – Casablanca卡隆布蘭卡只有水上清真寺?》《2 – Marrakesh馬拉喀什︱行不完的趣味古市集》 歐洲隨筆《002 – 德國人少見多怪的飲食習慣(上)》《003 – 德國人少見多怪的煮食習慣(下)》《005 – 卑鄙無恥的免費廁所全攻略》《006 – 路不同，各自遠走》《007 – 土耳其烤肉卷》《008 – 喚起聖誕的葡萄酒》《009 – 外國月亮特別圓，鬼佬床褥特別軟》《010 – 德國慕尼黑啤酒節全攻略》===============================Email : funggarcia@gmail.comwww.facebook.com/Garcia.in.German 文章同時刊於以下平台，請各位多多支持呀!!!!!!!!!!!!!UBlog
