齋講9.81Park (9.81파크)呢個名，估一萬次都唔會估到係一個新式先進既電動重力賽車及電子遊戲主題公園其實我都係求其hea搵落雨天陰既濟州島有咩好玩時，見個名咁kai先google下，但睇完佢段宣傳片就立即扑搥去馬了~好似好刺激咁wor! 去完之後更覺得佢超級好玩! 直情升level到濟州島必玩item~ 一於同大家介紹下~ =======================================請大家Follow我Instagram啦~Instagram : https://www.instagram.com/fung_garcia_backpacker/ ===================================== 文章概要 :門票及前往交通入場、大堂環境及遊玩方法揸住架車衝落去!激光War Game射爆他體感運動遊戲sss男人老狗打韆鞦之無敵風火輛史上最弱碰碰車 1. 門票及前往交通門票當然可以係現場買啦，不過我今次係用KKDAY買套票around $300港幣~一來方便快捷，二來KKDay呢個套票已經包括左5大最受歡迎遊戲，比起一個個買平勁多，如果到時玩唔夠而你又好有錢的話先現場再補飛啦~ 交通方面，如果唔渣車的話，由機場出發行路去都唔係好遠，都係二十公里約5個鐘g ma，仲可以消耗916卡路里，諗起都覺得正! 而我就會選擇坐官方Shuttle Bus啦濟州島有好多主題公園and玩樂設施由於位置偏遠，為方面/吸引遊客，都會係機場3樓停車處設立shuttle bus9.81 Park都一樣，然而吊跪既係佢根本無站牌，架巴士係鍾意泊前定泊後無人知，只靠車頭電子牌寫住「9.81」來相認而根據韓國公共交通司機既習慣 ——- 我鍾意幾點開車就幾點開車!官方話10點鐘? 我就係要0956開車呀吹咩~唉係韓國坐公共交通早15分鐘真係基本功…….. 機場3樓出面的旅遊巴上落客站 另外官網有寫過於市中心有另一上車地點死心啦，作為遊客妳唔會搵得到個停車點係邊ga更何況個司機都無停車等客既打算，我睇住佢打開道車門唔夠10秒就關返走人~至於shuttle bus既時間由於成日改，大家都係自己check官網和買飛後的email吧~ 官網 : https://www.981park.com/ 2. 入場、大堂環境及遊玩方法入場採用Apple store式專人走嚟幫你，職員會先核實妳既入場QR code，然後幫妳帶上紙手帶在公園內千其唔好整爛佢，因為此紙手帶係妳出入各種設施既憑證~ 外表頹到監獄一樣 內裡超級cyber feel~ 下晝臨走時既人潮 普通手帶樣，但原來有哂電子sensor，除左入場，好多game都要靠佢~ 另外入園必需要安裝佢個官方Apps唔好以為又係廢app，佢應該係我見過最佳既app使用方法~App內可以顯示妳可以玩既game，仲有咩game未玩，排隊等候時間等等某d遊戲玩完仲可以即時send返條片比你!可以話無呢個app既妳唔可能係度玩到game~ App show哂你可以玩d咩and未玩d咩~ 另外如果妳係岩岩shopping完買起左間藥妝店一抽二lung，唔使驚~呢度有大量免費locker比妳鎖野~ 3. 揸住架車衝落去!根據官網表示 :「術語9.81表示重力加速度，9.81 m/s2」即係話呢度最主打既就係重力賽車!所謂重力賽車，即係架車無油門只得剎車，純粹靠地心吸引……即係連人帶車由斜路sir落去，之不過條斜路又長又有彎位咁je~聽落好似好流，但其實速度可以好高，至少我玩時真係有高智能方程式既感覺! 去啦雷神!!!!不過呢度有40km車速限制，一over就會好似紅van咁響聲提示，太超過的話電腦更會take over左你架車可能飛慣車既朋友會覺得唔夠快，但至少保證到非常安全先啦~ 點擊圖片放大 +2 賽道方面，常玩既有3條，每條約1-2分鐘，玩時由淺入深，按住apps所提示進入相應賽道就得~如果帶埋小朋友既，都可以比佢坐後座一齊玩~而呢個賽車唔止好玩，窩心既係每次落場都有GoPro全程錄影! 玩完即刻可以透過apps睇返自己玩成點～仲有另一條片係扮哂精華剪接，兩條片都可以立即比你download share上IG，只能話又好玩又貼心! 呢d先係現代科技既遊樂場嚟ga ma!好啦~ 睇下我條reel片先~ (IG呢條片係我自己再剪過的~ 但大概都係咁~） 睇片睇落好似唔太快，但我想話 —- 髮夾彎真係飄ga!而且go kart車無車頂無頭盔，你既身體會完全感受到衝刺既速度快感~ 我直情覺我自己玩緊Mario Kart想扔藍龜呀!!!而且賽車時仲可以一邊衡一邊欣賞濟州島同漢拿山美景，真係好爽ga!!不過要注意開車時不能用手機，渣車時唔用電話是常識吧~衝線後架車會進入自動導航模式返上山，到時先囉機影相啦~ 另外值得一提既係，KKDAY門票包左3條唔同賽道，但其實仲有第4條最高級GR-X隱藏賽道，係要玩夠一定的速度及次數先可以挑戰!齋玩一次要近兩舊水，即係要人貨金解鎖je…… 隱藏賽道Track L,R 大堂會有各條賽道的最佳成績 齋玩3條賽道已經要50000圜…… 4. 激光War Game射爆他與我當年係台北玩既激光war game不同，台北係玩戰術玩team play，濟州呢個則係單打獨鬥，簡稱9射但齋射有齋射既玩法，目標係於7分鐘限時內盡力殺最多人，賽後會計算分數出示排名及各獎項，由1st Blood、Top Gun至Grave Lover都有~ 好鬼過癮~ 點擊圖片放大 +++++++++++++++++++++++++++++++++相關篇章 : 《【台灣雜記3】在那激光war game中穿梭》+++++++++++++++++++++++++++++++++ 開始前要穿上計分背心，職員會詳細講解點玩同有咩要注意，放心啦當佢講完韓文後會再用英文同妳解說多次的~總之就係著住全副武裝打真軍，被擊中背心有5秒不能射擊，無限制7分鐘內任射唔見血，I mean激光槍，換彈更需要拉出彈夾調轉再啪入，真實感十足! 開始後場內十幾人全部獨立作戰，有人主動進攻，有人全程龜公，好記得有個韓妹縮係牆角比我禁住係咁射，I mean激光 玩完身水身汗，但非常之爽，7分鐘太少了! 點擊圖片放大 +2 Follow me~ 5. 體感運動遊戲sss主場館地下有超多體感運動遊戲選擇~有d係機鋪同冒險樂園都見過，除非想威比女仔睇或太多錢無碇使，否則唔會係度射籃球打兵乓波啦 點會有人花錢係度打兵乓波…… 根據觀察，騎馬、足球、射箭都算多人玩，不過最好玩ge，應該都係果個獎門人玩過唔知叫乜名既撞牆game~即係要擺d高難度奇怪尷尬姿勢嚟穿過牆壁，都幾岩d情侶嚟增進／破壞感情，玩完仲可以輸入email send返岩岩玩既相比你tim~ (片係文末~)但記得玩完好快d輸入，應該一分鐘左右就會消失，大家又估下我點解會知得咁清楚~順帶一提，滑雪機係垃圾 呢個真心好玩~ 記得快手篤左先 騎馬都ok ge，但我覺得有d似打薩爾瓦達 呢個Ski超難玩超食錢…… 6. 男人老狗打韆鞦之無敵風火輛位於公園外入口處的制動韆鞦，同樓下牛頭角公園果d普通韆鞦唔同，佢做足玩笨豬跳一般既安全措施，點fing都唔會跌~所以只要夠膽又夠力，個個都可以做到360度徐錦江無敵風火輪(??)講就易，我見都無咩人真係做到，唯一係等的士走人前先從遠處先到有人成功~ 小朋友都fing得高過我…… 真係有人玩到無敵風火輪 至於我，對腳一早係漢拿山時廢左啦~ 唔好話360度，我係連90度都無既廢柴!~而呢個韆鞦同樣可以係apps度download返片~ (片係文末~)但原來睇住自己fing下fing下呢件事都幾無聊ga……. 7. 史上最弱碰碰車呢度既碰碰車採用計分制，撞唔同位置會有唔同分數，加上創戰記般既cyber feel，照計會比平時9撞有趣得多ga~點會估到，佢既車速竟然慢過學神開1波!大佬呀碰碰車就係要大大力撞埋去先過癮ga ma，而家係撞車時「哎呀，原來你掂到我呀?」同海洋公園加速儲氣撞到妳彈起既大亂鬥差天共地，好失望!(片係文末~) 其他食肆同打卡位就唔特別講了，睇相啦~ 味道算正常啦，但有d貴 Coffee shop~ 其實園內仲有少少要另外比錢既game我無玩到，不過都好足夠了~係玩一次賽車都百幾二百蚊港紙既情況下，3舊幾水就玩齊咁多game真係抵ge~ 絕對夠你消磨一個下晝~有興趣想知多d既可以PM我啦~ 或者Click呢條KKDAY link望下~https://www.kkday.com/zh-tw/product/131733-9-81-park-jeju-ticket-jeju-island-south-korea?cid=14751 以上既片可以係IG睇到~https://www.instagram.com/reel/CnR2MI_KIdf/ 下回去一個香港都有既地方~ ================================= 《9.81 Park Jeju》地址 : 880-24 Cheondeok-ro, Aewol-eup, Jeju-si, Jeju-do, 南韓電話 : +82 1833-9810開放時間 : 0920 – 1800網址 :https://www.981park.com/ ================================= =======================================請大家Follow我Instagram啦~Instagram : https://www.instagram.com/fung_garcia_backpacker/ ===================================== 我既Youtube Channel已經開通啦!!!!快d Click入 「鋒加西亞 / 旅人瘋語」Subscribe 睇片再比個Like禁個鐘仔啦!~ 鋒加西亞/旅人瘋語 Youtube Channel 主要影片 ：【泰國】【芭堤雅】誤入邪骨!? 芭堤雅色情行業真相!【歐洲】人有三急在歐洲怎辦? 卑鄙無恥! 歐洲免費廁所全攻略【希臘遊記】絕美海濱! 雨傘雕塑! 寫意的希臘「塞薩洛尼基」一日漫遊!【希臘】型爆海盜船酒吧扮魔盜王！超值60蚊一杯包遊船河！？ 白濱系列 :【和歌山】【白浜】白浜七大溫泉評價! 熱到烚腸仔? hea到似街市? 浸哪個好一一盡錄!【和歌山】【白浜】超高性價比溫泉酒店介紹!(上集) 最平最型，兩層複式+望海露天風呂，竟然港幣千零蚊!?【白浜】【和歌山】超高性價比溫泉酒店介紹!(下集) 「白浜館」好味到難以置信的一泊二食︱房內優雅露天溫泉+市中心對正沙灘，勁抵住! 旅行故事系列 :【台北】誤闖台灣三溫暖，內裡竟然係……嚇死人咩！【格魯吉亞】最慘的4小時! 格魯吉亞地獄小巴之旅!【波蘭】在納粹集中營，我竟聽到了……一世難忘的恐怖回憶!【台灣】我在台北拾屍的經驗︱美女強吻? 艷福無邊? 浪漫奇遇? (新片呀!!!!!!!!!)================================= 相關篇章 : 韓國釜山 :《1 – 福岡釜山坐船來回全攻略》《2 – 釜山的男人私房活動》 韓國濟州島 :《總篇集︱濟州島4日行程參考》《Day1 – 漢拿山御里牧、靈室登山路線》《Day2.1 – 東門市場的遺憾︱豬肉湯麵+海鮮飯卷推薦》《Day2.2 – 龍頭岩海水汗蒸幕︱最強黑毛豬餐廳「石窟黑豚」》《Day3.1 – 牛島單車遊︱濃縮濟州之美的秀麗小島》《Day3.2 – 城山日出峰的完美日落》 日本富山、石川、琵琶湖 :《【北陸之行】 – 系列》 日本和歌山、白浜 ：《【紀伊半島】 – 系列》 東京雜記 ：《1 – VR館簡短Game評及小貼士》《2 – 東京千本鳥居+爆料天丼》《3 -池袋的災害體驗》《4 – 日本第一炸豬扒》《5 – 那夜凌晨，我坐上了東京開往大阪的巴士》《6 – 蠔大大小店，性價比超掂》 日本美食系列 ：《1 – 東京壽司「梅丘壽司之美登利」如何抵食?》《2 – 大阪隱世超平炸串》 京都紅葉系列 ：《1 – 京都紅葉隧道此生必去︱貴船神社、琉璃光院︱叡山電車紅葉路線介紹》《2 – 京都天龍寺巨型紅葉樹》《3 – 京都北野天滿宮 – 紅葉之海洋》================================ Email : funggarcia@gmail.com www.facebook.com/Garcia.in.Germany 文章同時刊於以下平台，請各位多多支持呀!!!!!!!!!!!!!UBlogDC Fever TravelMedium
