日本紀伊半島Day1.4 - 風見莊是伊勢住宿no.1(無誤!)

瀏覽人數:1455
發佈於 2016.05.23

呢篇係記錄我Day1 & Day2係hostel發生咩事兼介紹呢間少見咁正住宿既混合式記敍說明文。

日本讀書既老友E小姐,一聽到我話去伊勢就要我一定要住風見莊Ise Guest House Kazami,話係伊勢no.1既住宿,無之一
平時我份人就包坳頸,佢講東我就偏向西,我係要揀另一間蘇木吉亞旅館Guest House Tsumugiya ar~
不過望望張地圖,蘇木吉亞旅館距離JR伊勢駅係15分鐘步行距離,風見莊則只需兩分鐘
好~就做一次聽話既乖孩子啦~

事實證明呢個決定真係無錯,因為夜晚9點幾去到伊勢時,我真係10個攰裡面有100個攰
計一計,由尋晚放工飛到關西機場通頂,訓左2小時後就舟車勞頓去松阪、鳥羽、坂手島,即係話伊勢已經係我今日第4個目的地+兩日無沖過涼!亳無疑問我已具有香香公主既特質正散發住濃郁既芳香啦!
頂唔住,去到hostel後我只想快d沖個涼再同周公hehehehehehehehehehehehe大戰50回合到第二朝自然醒!!
登記後職員問我「我地有幾個外國住客係果邊傾緊偈ar,你識講英文不如一齊join呀~」
「ar.........(個腦轉得超慢)咁ar........(有d唔好意思推)我放左d行李上樓睇下點先啦.....(其實係有d想hea走佢)」
點知職員笑容滿面「好呀!我地等你呀~一陣見~」
我真係估唔到佢會咁答我!!
唉男子漢一諾千金,唯有放低行李之後再落去啦


(詳盡house rules, 自己睇)


(就係妳攪到我咁chur~~~~不過多謝妳!)

我住的是12人mix dorm,是以厚木隔出上下兩層的膠囊式睡床,地板為日式木板,即係一行上去就eeee勁大聲果種,總之就成間屋都好有古代日式風格啦
房內有locker及小陽台,亦有識噴暖氣既冷氣機及送風機,當時室外溫度約-1度,但房內既炎熱程度係桑拿級的,我寫包單全裸都可以出汗!
冷靜d!!!!!!間房有女人住ga!!!!!!!一陣引哂d美女撲埋我度就唔好啦!!!!
就算開左少少窗+送風機full power都係焗到呼吸困難,終於當晚我係夜闌人靜時靜雞雞熄鬼左佢........
不過,撇除呢樣野,床鋪綿被同枕頭都極度舒適,非常適合鐘意訓硬中帶軟既亞洲人~幾乎正過我屋企張床呀!

放低行李落到common area,熱情staff即刻捉我埋去角落既一堆人群度 ----- 「各位,呢位係香港嚟既Fung,你地一齊傾下偈啦~」之後就走左去做野,留低我一個人呆企滴汗..........
梗係滴汗啦.......呢種大學ocamp式既介紹方法係甚麼一回事.......即係夾硬要一個原本已興高采烈既團體接受我呢盤冷水je..........對方不論受唔受都必定係尷尬+唔好意思..........
事到如今,要無咁老尷既唯一方法就係我自己都變得熱情好客風趣健談,即係要體力精神已到臨界點既我再chok d extra energy出嚟je........
唉真係要用阿寶既名句 -----------

誰不知呢個團體又真係非常友善+健談wor~
大半年無旅行既我開頭仲驚驚地同外國人講既會口疾疾,誰不知幾句下來已談笑風生~
無他既~一個係來自德州、熱愛日本動漫既30歲媽媽,美國人本身已經係超多野講既民族,加埋我呢d宅男同其他日本本地人,只係鋼之煉金術士都講左半粒鐘~
另一個遊浪世界已兩年既外籍少年竟然係德國人!我仲要去過佢既home town小鎮腓特烈港Friedrichshafen tim!點可能無話題!?
傾下傾下,無啦間我自己都飲埋一份!幾杯sake落肚,更是興奮熱鬧!
而呢一晚,亦都變成我近年少見,係hostel傾得超開心既一次~

呢間hostel除左樹屋feel既裝修超靚外,另一樣吸引既就係有非常多既漫畫同board game,連絕哂種既任天堂紅白機都有!!!真係香港d樓上cafe都無佢咁正呀~
唔係話有野玩就好,只不過咁代表一個人靜靜地hea下又得,一班人有野玩熱鬧下又得~
我地就係傾傾下偈就變左圍住暖爐被飲住酒打Mario!都唔知幾爽~

風見莊呢度個廚房都真係比歐洲大部份hostel都來得大,而且設備齊全,齊到班日本人第日食Sukiyaki壽喜燒都得!
另外廚房仲有個用途,就係common area突然要close果陣,呢度就係唯一比你繼續hea食宵夜既地方
ee...........做乜張相影到我咁淒涼咁ge..........


(一班日本人縮埋係廚房交換facebook,美國朋友表示”They are cute!”.......)

(第二晚既宵夜)

(呢罐啤酒超好飲!!!係超超超超好飲!!!我成個trip飲左3罐!)

(呢罐就遜色d,普通porter味law)

(第二晚班日本學生係大廳食Sukiyaki..........)

沖涼房全世界得兩間,不過超級乾淨加水力一流,最重要係熱水非常夠熱!
我對上一次見呢種浴室就係愛沙尼亞果間日本人開既hostel(第六十六章),究竟係巧合定係日本風格係咁呢?

最後,呢間hostel仲係有單車出租的,好似都係廿零三十蚊一日,抵到爛
有佢去探索伊勢真係方便好多~好明顯呢個就係我第二日既行程啦!
既然係咁,就下回繼續!
凌晨3點,我終於可以好好休息一晚啦.........呢個Day1真係好chur ar.........

地點又近,裝修又靚又乾淨,設施超級齊全,仲要staffs都非常友善,另加夜晚傾得超開心(純主觀加分部份), ¥2600一晚已連稅,風見莊亳無疑問係嚟伊勢玩首屈一指既住宿!
太主觀?寫blog係咁ga la~~~~~~~~XD


(第3日臨出發前都影返張,識到大家真係好開心!)

(嚟打工換宿既香港人staff,希望佢而家已成功囉到working holiday簽證啦~)

=====================

好多靚靚地相片及無聊小故事的Facebook Page :
My Facebook Page : www.facebook.com/Garcia.in.Germany
Instagram : https://www.instagram.com/fung_garcia/
請多多支持呢~

*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

相關話題

收藏此文章
  • Facebook分享
  • WhatsApp分享
  • Line分享
  • 複製連結

發表評論

{{commentText.length}}個字
全部評論 {{comments.length}}

作者最新文章

更多旅遊文章推薦