早前，陪伴我闖蕩江湖，出生入死左無數次，歐洲期間無日離身的手提電話終於要離我而去
為左永遠懷念呢位戰友，特別寫上弔文一篇，以表哀悼

呢部Sony Xperia V，瓦黑色，長12.9cm，闊6.5cm，重120克，1,300萬像素，係我出發前係豐x以相等於孟母既價錢購入
當時已經係兩個generation前既舊款，但貪佢又平又細又防水，最重要係萬一touch wood比人偷左、老笠左，或者中左鴛鴦乾坤扭紋鎖，扑爛左都唔肉赤嗎
至於我當時既手機Fujitsu T-01D，係 第二章 都講過一分鐘無1%電，都係算吧啦

(出發前又愛又恨的Fujitsu T-01D)

原本我對呢部舊機都無乜大期望，但佢竟然出現意想不到既堅韌!
速度唔慢，防水一流，whatsapp同facebook都暢通無阻，無錯我要求係咁低ga ja~
仲有影相law，效果又唔係想像咁差，我有d post出嚟既風景同生活都係出自呢個1300萬像素鏡頭，為方便send比朋友曬命，影食物係由佢全權負責的，到中期即長居柏林既時間，更加用佢影左不少生活相

(老實講，影出嚟真係唔算差ar~)

(隨手囉起快閃影又得)

(日常生活都係佢負責記錄)

(影美女當然是少不免的~)

(全景拍攝都係靠佢，好過我部Olympus相機好多)

但亦都因為咁，對佢越來越信賴，就突然一鑊撬起我!
佢唯一一次作反，就係我出發去last trip南歐洲前，突然內部程式不停load and pull out拔出插入拔出插入張sd card............
於是，sd card被fuck到完全損壞，我柏林後半生活及西歐之旅既手機相全部報銷..........
果個moment我真係想一野扔佢落廁所再沖佢出大西洋!!!
但望住佢.........又唔忍心.....唔忍心餘下既旅程無電話用.......都係忍一忍手，留住佢吧，返到香港再換
點知佢又生勾勾，返嚟咁耐精神咁耐直到現在......唉算係咁啦

其實阿V仔都過不掩功的。
至少我係德國最好既朋友，即我page講上個月結婚既C小姐，初見面時就係因為我地不約而同都買呢款手機而打開話題的～雖然我強烈懷疑以我地兩個乜都吹得一餐既廢話王性格，最終都會一樣變老友～
而環遊歐洲時 ------ check地圖、睇facebook、打電話搵工、聯絡朋友、連繫香港、即時add新相識、解悶、識女仔、抄牌...........種種都係非佢不可
縱然平板電腦同防水相機都係我行程中不可或缺既重要物品，但始終都未及呢部我貼身收藏既4.3寸小手機來得親密

(德國最好既朋友C小姐，大家都係唔知邊間精神病院走出嚟既痴線佬/婆，攝於相識當日)

V仔既Wallpaper，由第一日開始就無轉過，仍然係從銅鑼灣遠眺會展的日落黃昏
其實係刻意提醒我自己，無論去到邊度，身在何處異鄉，我的家，仍然是香港
新電話既wallpaper，則是我離開柏林前的最後一幀風景，意思是我永遠不忘這一年發生的人和事 ; 鈴聲和音效，仍然是B'z的“一部與全部”及勁似呻吟聲既Qoo sound，表示繼承左你既遺志
V仔， 你可以功成身退了，多謝你陪伴我走過咁多既路..........呢兩年半來辛苦你啦......

(好鐘意用佢把聲做msg sound,但成日比人誤會)

.........
.................
...............................
好，哀悼完畢，而家我終於有返部正常電量正常容量又正常自拍功能既手機啦!!!!!!!!!!!!
V仔部死野!!我都忍得你耐啦~~~~~
得2G internal乜apps都download唔到!前置鏡又起哂格!!
而家終於有部正常+影相靚既手機用，下次旅行我要同鬼妹㗎妹面貼面無限selfie～～～～～Yeah!!!!!!!!!!!!!!!!!!!!!!!!!!!!!!

========================================

好多靚靚地相片及無聊小故事的Facebook Page :
My Facebook Page : www.facebook.com/Garcia.in.Germany
請多多支持呢~