一講食德國野，個腦9彈出豬手香腸加啤酒絕對係自然反應!加上近期TVB上張秀文係慕尼黑食豬手食得咁開心，d印象更深tim la 更曾經有一個講世界各地早餐既youtube短片，話德國人早餐都係食香腸，感覺好似日耳曼係個暴龍近親既民族齋食肉! 但大家有無發現，其實德國街上所見既肥人真係唔多，至少目測都比英美少好幾倍! 究竟點做到ga？？真係食肉減肥法咁爽？ 點擊圖片放大 (不過果間野其實唔太好食) 我咁講得就梗係No啦～ 而事實上估你唔到，德國有接近10%人口係素食者! 中央肥胖又大隻健碩既Hostel青年staff講我聽呢個事實時，我即刻嚇一跳! 直覺上素食者都係偏瘦削成個印度佬咁，Natalie Portman同占基利都係呢一type，德國兄你成個街霸蘇聯佬咁，你食乜齋食到咁大隻？？ 但諗深一層.......少林寺班和尚呢？............... 係，佢岩，係我on居見識少je～大力菜的確係素食嚟ge~ (我日常最齋係咁ga la) 我問佢地食素係因為健康？因為環保？ 佢地話，只不過覺得食肉對動物唔好，要犧牲佢地好殘忍。 同樣問題，我幾個香港朋友都問過其他德國人，答案都係6-70%都大同小異。所以儘管只是一家之言，我覺得都仍有一定參考價值。 咁另外90%既非素食者呢？ 有朋友問過德國同屋，「你去到外國，揀一樣食物係你最掛住最掛住，返到屋企第一時間一定要食，最能解思鄉病既食物係乜？」 香腸？No 豬手？No 啤酒？一半啦 又係估你唔到，係麵包呀!!原來對德國人嚟講，德國麵包先係最能代表佢地、不可或缺既食物! 不論係常見既裸麥麵包LandbrotBauernbrot，SauerdoughBread酸麵包定Wezenkeimagebacke白麵包(以上資料係網上參考返嚟，我唔識德文ma~)，咸既甜既酸既齋既肉既有芝士既有蔬菜既佢地通通都非常鐘意! 其實諗諗下都唔奇，係德國不論城市大小，地點有幾咁偏僻，地鐵站內商場內日常街邊........可以無腸仔賣，但麵包鋪真係總有一間係左近，多過Seven Eleven! 之不過咁.........個人意見，要係德國搵岩自己心水既麵包真係唔容易...... 德國麵包大多偏硬乾身，對鐘意食輕綿軟滑type的亞洲人來講真係唔易頂 以最常見蝴蝶心型既Brezel為例，又乾又鞋，上面果幾d粗鹽鹹到嘔，我試過放過夜第朝想食，硬到可以當鎚仔扑濕人! 但亦有fd超鐘意食新鮮出爐的Brezel，嚟柏林搵我既死黨更話我唔帶佢食麵包!咁我唔食ar ma~~ 不過，果種香味同香港食開的完全不同，係值得一試的 點擊圖片放大 +4 (有時懶，我都會買兩個麵包返嚟焗熱佢做主食算數) 所以，儘管係德國肉類----特別香腸固然係主食，但並唔係外國人想像中食得咁密 早餐同一般西方人一樣，都係乳酪、牛奶、粟米片、烘多士為主。同時德國人對甜到嘔既榛子朱古力醬Nutella非常情有獨鐘!家家戶戶都起碼有返幾打旁身!入鄉隨俗，我都想買返樽，可惜成3至4€太貴，無可奈何之下，我唯有偷屋主果樽嚟食啦～～～ (焗爐自製朱古力西多) (遠至蒙特內哥羅都hit呢種夾餅) 午餐一般都會豐富d，係三文治，Bratwurst（即腸仔包），薯仔等等乜都有 晚餐都會去餐館，但在青年一輩中卻大多頗為簡單! 好多時只係去超市買包沙律菜返屋企加oliver oil撈撈撈撈撈，又或者烚個意粉倒pat即食醬攪攪攪攪攪，甚至速食店買個pizza買個kebab咁就一餐!好少會好似香港咁4餸一湯白飯任裝! 佢地既概念係------返工返左一日咁辛苦（當然工時已經比香港短啦.....），夜嗎嗎仲攪咁大壇大龍鳳？留返多d時間休息，去玩去癲去ocean park好過啦! 香港人就會諗------返工返左一日咁辛苦，梗係食餐好既慰勞下自己啦!咁的確德國真係唔係一個咁重視食同埋好嘴刁既民族嚟ge...... 等等，d豬手呢？？？ 都會食～～～但都係耐唔耐食一次，而唔係下下左豬手右香腸ge~ 其實都合理，我地都唔係日日燒鵝雲吞麵，日本人唔會晚晚食壽司睇AV，韓國人唔會個個整容餐餐泡菜啦～～（ar最後果個好似有錯........） 飲酒？痴線～德國人飲酒邊有固定時間ga~水嚟g ma，想飲就飲ga la~ (餐廳full house,好多時都係因為睇波) 點擊圖片放大 +2 (Bier Garten則任何時候都好多人，只要有陽光~) 睇到呢度，係咪覺得德國人“原來都幾健康wor~”，但我想講，都未必ga.......... 有次同一班working holiday朋友到一德國青年人家中BBQ，佢地除左燒肉之外就係燒肉，仲有就係燒肉，總之全部都係肉!想轉口味ge就只有蒜蓉包，但都係重口味! 佢地見到我地買蘑菇蕃茄青紅椒時覺得非常驚訝!「呢d野燒得ga咩？？？」係佢地眼中，煮蔬菜同煮拖鞋係一樣咁詫異ga! 當然佢地食完之後，個個lam哂脷la~ 點擊圖片放大 +2 未完~~下回繼續~ ======================================== 好多靚靚地相片及無聊小故事的Facebook Page : My Facebook Page : www.facebook.com/Garcia.in.Germany 請多多支持呢~
