有無試過睇到一張相、一張postcard的美景後，有種非去不可既衝動？ 呢d都市傳說，睇戲睇小說先有je! 講係會咁講law，正如我成日都話要西野加奈做我老婆，唔通都真係做到咩～ 但原來，係真係會有呢種事發生的...... 半年前係Facebook度睇到一張咁既相 唔係話好神奇既風景，但就比到一種好夢幻、好童話世界既感覺! 總覺得島上有個睡公主等緊我呢個皇子去咀醒佢! 係果幾日個腦不停地loop要去要去要去要去........... 終於手痕search下，就係咁樣我先知呢個世界有個叫蒙特內哥羅的國家! 之不過點都搵唔到圖中St. George Island係邊，去到完全陌生既地方仲要搵隻咁既石窗去睇個咁既島，會唔會高難度左d呢？？ 但真係唔好諗太多，去左先算! 而呢張圖，就成為左我去探索蒙特內哥羅的動力! 意想不到既係，真係比我搵得到呀!!!!! 事緣係克羅地亞各處都問過人，但都係食白果，諗住都係機會渺茫啦 當去到蒙特內哥羅Day2朝早，於Kotor舊城hea行時無意中見到街邊 d postcard有類似呢個島既存在! 於是即刻返hostel問staff點去! 原來只要係果條長年塞車既唯一主車道，坐一個鐘一班既巴士20分鐘就會到Perast! 得!唔使講野!下晝既行程即刻由Kotor萬里長城改為Perast夢幻之旅!! 去到Perast，一落車就比呢間碼頭餐廳吸引～ 好少見一間餐廳唔係夜晚都咁浪漫!唔係一支公太過浪漫既話我一定係度坐返幾個鐘! 背景既海灣風景實在太靚啦!!!個人覺得比Dubrovnik更有味道! 再望望遠處那一大一小的島嶼，我知道今次無死啦～～～～ 點擊圖片放大 +5 要上St.George Island，游水係最好既方法～都係維港咁上下距離g ma~小兒科～～～～ 不過為左保留體力，免為其難都係選擇我最不屑既方式坐小艇去啦～ 此處是沒有offical boat的，但只要沿面海的右方走，就會有唔少私人船主撩你上島，船費來回約5至6€ 其實唔平，但我點會理咁多呢～我既理智已經首次被女人以外既野蒙蔽左啦! 心裡越來越緊張、越來越興奮!我就嚟搵到期待左大半年既景象啦! 點擊圖片放大 +6 上岸啦! 呢個小島其實真係極細，大約只係半個足球場咁大，但要個海中心有個咁size既島真係好唔尋常!仲要係島上有座教堂博物館混合建築! 其實同斯洛文尼亞既Bled有少少似，只係此處空間感更廣闊，而且平坦無樹，好似一艘牢固不動的海上石舟，係完全既人工島!據聞係以前唔知乜水一舊一舊石頭咁扔落海整成的! 膚淺如我，偷聽完人地d導遊講野後“哦”左一聲就周圍影相啦～ 個島係海中心配埋今日d天氣好鬼靚呀喂!!!!!!! 點擊圖片放大 +8 終於! 終於!!!!!!!!!!!! 比我搵到相裡面個View啦!!!!!!!!!!!! 原來果隻並唔係室內窗口，只係樓梯走廊的鑿空位置，但只要坐係度，就可以完全望到相與中風景同一樣的畫面!!!!!! 雖然，天色無咁靚，中央亦多左支旗杆阻住哂，仲不時有遊艇停泊阻x住哂! 但的的確確!係我plan左超過半年，歷盡滄桑來到這未發掘之國家，撞進了冰山，飄上了急灣，渡一切苦厄，終於來到既夢想之地!!!!!! Ok我可能誇張左～而且個view都唔係天下無敵咁靚，之但係我就好似完成左一件超級浪漫既事咁～ 為左一張相就撞入此地，好似好傻仔，但我可以講 ------- 我見到呢個景觀時既震撼同滿足感，絕對比得上見北極光時果種狂熱興奮! 旁人睇落無乜特別，只不過係我心裡面，我既浪漫瘋狂之旅又添加新的一頁了! 點擊圖片放大 +3 臨走時見到一對新人係度影婚紗相～ 攪到我都不其然諗下將來好唔好嚟St. George Island呢度影呢.......hey我有婚結先算啦～～ 不過..............其實我根本唔知呢度兩個島邊個係St.George Island............ 因為得一個上得岸，另一個好似話比一班修道士買左嚟靜修....... 喂但點解我見到有人游水曬太陽ge........ (點解.......個攝影師好似仲靚je.........) 點擊圖片放大 +2 回到Perast岸上，望住炎熱卻又清澈無比的亞德里亞海，真係好想跳落去游到夠ar...... 可惜呀.............一個人旅行最大缺點就係無人睇袋........ 只有坐在岸邊雙腳浸水，一邊欣賞此美麗海灣，一邊欣賞岸邊的比堅尼吧～ 點擊圖片放大 +2 一直到日入山中，海水轉涼我先肯走，實在太唔捨得啦! 回到Kolor，又係world cup時間～ 食個飯，睇埋第二場，Day2就咁完結～ ee我好似漏左d野................... 係wor!!!!!Kotor舊城區既介紹呢？？？？？？ 太掛住講Perast唔記得左tim! 其實舊城真係好細，半個鐘可以行哂，城內則維持住中世紀的樣子，甚至有點阿拉伯風情 全石造的房屋仍是特別而講究，最過癮都係連地下都係石造!我踢拖行幾乎跣底兩鑊! 但城內實在係太過細，實未足以消磨一晝，外面的大海很美，都係留多d時間係出面啦～ 點擊圖片放大 +13 (城外望返Kotor,真係幾靚~) 過左超滿足的一日! 事實都證明，睇相去旅行，其實唔難~幾古怪既地方，有人影得張相出lai，就一定可以去得到!只係你有幾想去，個決心有幾大je~(其實我呢個view都算易搵的) 而去到Perast時，其實已距離我回香港不足3星期 係旅程的末段能嚟到呢個我日思夜想的地方，我知道，這是幸運，也是幸福 完成左一個目標，就係時候尋找另一個新既目標啦～ 係歐洲餘下既時間，盡情享受啦! 下回繼續發掘蒙特內哥羅～ ======================================== 補完此Blog上未成文的相片和無聊閒事: My Facebook Page : www.facebook.com/Garcia.in.Germany ，多多支持呀!~
