德國working holiday第一百章 : 克羅地亞(2)PulaPulaPulaPula

瀏覽人數:1548
發佈於 2014.10.08

Pula呢個名我一聽就諗起Polar Bear,之後就諗起比卡超係咁“bekabakabekabekabekabeka”,
再之後就係小魔女Doremi"比利卡比利那那抱抱利那比比路多"!
.........................................................................
乜鬼野聯想思考法嚟ga........我份人真係好無聊呀!!!!

位於西部海邊,臨亞德里亞海的Pula係克羅地亞嚟講唔算多人到,因為一般遊客出入都係首都------東部的薩格勒布
加上Pula並唔算係咩好大既旅遊城市,細到兩三個鐘可以行哂,一般嚟講,都係one day trip為多,頂盡都係stay一晚而已
呢度最大既特點同上篇既Rovinj一樣,由於地理位置太近,古時曾比意大利佔領過,所以到處都係充滿意式風情!
遊客亦都以Pizza國為主,周街都係意大利文,感覺就好似嚟左little Italy一樣
點似?地中海既舊石屎屋、住宅間的晾乾衣物如國旗般飄揚,仲有埋Little羅馬鬥獸場同Little凱旋門,夠似未呢~
............................................
陳生...........凱旋門好似係法國ga wor................

(無去過巴黎,無從比較~)

(Hostel房間,一個人霸哂6人房,正!)

(呢d景象真係一睇就有意式風情~)

(無去過羅馬,無從比較~)

(街頭火焰鞭表演,點睇都係惡魔城!)

(Hostel的窗外景)

Pula市中心細到我第一日搵車去Rovinj時已經行左7成,所以第二日正式細味時已經好快無野行
之不過而家夏天嚟ga ma,係時候去海灘碧波暢泳,展示我苦練多年既六神合體腹肌啦!!!!!!
坐巴士去到市中心南邊既泳灘Pjescana Uvala
正當我想輕解蘿衫撲向大海懷抱時---------------wei點解天陰多雲有零散驟雨ge...........
歐洲唔同香港,夏天幾熱都好,一無太陽就會涼
雙腳一浸落水,使唔使咁凍ar.........水清就真係無敵,沙幼就要睇“幼”既定義係咩啦
如果鵝卵石咁大係幼既,無錯here is it!~但我每一步都似行緊石樁路..........
後來我先知地中海以此類鵝卵石灘為多,真係要d時間習慣呢

天氣轉冷落唔到水,於是改為沿海邊向右漫步,倒也心懭神怡
走到Horizont Resort Apartment對出海邊見環境唔錯,就坐低望扮下老人與海
望住7歲已經識潛水捉魚既小朋友,5歲的小妹妹扔石仔,仲有12,13歲既小女孩為取悅小情人特登當眾換比堅尼,自拍幾張15分鐘後著返衫。(唔好問我有相有真相,唔通人地換泳衣我影佢相咁變態咩!)
剩係睇呢d人與人之間既活動都夠有趣啦~
有時旅行真係唔使追景點,坐下行下feel下休息下也是一樂也

身痕問個小朋友借個魚網玩,幾經辛苦幾乎成個人跌落海先捉到兩隻海膽上嚟
唔係要食佢,只係我一直都覺呢種生物好得意,好想零距離研究下
觀察後想放返佢落海, 人無傷虎意,但海膽出於自我防衛本能,死吸實水氹中既岩石唔肯走,如放著不管,第二朝太陽哂曬水氹海膽就會死
無辦法,只好強硬d拉起佢扔落海,卻折斷了牠不少尖刺吸盤,令牠遍體
呢件事之後我先明白,不論出於咩心態,都唔好亂咁打擾自然萬物既生活
今次,我的確是錯了

(海膽兄,對唔住呀)

尋日係Rovinj睇唔到,今日終於有幸得見克記聞名既海邊日落美景啦!
夕陽裡吹住海風寫blog,旁邊仲有海鷗打交,真係一個字 ------ 寫意呀!
寫寫下小朋友既意大利父親們竟然囉隻杯嚟請我飲酒!
如此好客,我當然卻之不恭啦!
閒聊間知道佢地係兩家世交,襯假期一齊帶老婆仔囡自駕遊,今日仲係光頭兄既生日tim!
一輪飲勝,3個男人言語不太通卻言談甚歡~酒果然係男人既語言呀!

(呢兩張釣魚佬真係型棍到爆!)

兩個意大利家庭離去後不久日已入山,再唔走分分鐘走唔到!
一輪問路下總算平安返到Pula市中心~
係時候講下晚飯啦~
克羅地亞咁大條海岸線梗係多海鮮啦!(我諗全世界係得英國先係海邊無海鮮的)
著名菜式係魷魚,以燒同炸為主,個人偏好燒多d,細火慢烤烘出層層好滋味,焦香及被炭熱濃縮的鮮味,配埋蒜蓉真係無得輸!
另外由於Pula Rovinj一帶地近意大利,所以有著非常正宗的pizza風味!價錢仲比意大利平得多tim!
一個佈滿芝士辣肉腸蘑菇粟米仲有半生熟蛋既pizza, 美國隊長個盾牌咁大! 香港大坑某好好味pizza店賣150個大洋,呢度賣55.........
唔使講都知好味啦~鐘意pizza既,呢度真係天堂呀!
食完之後,點會再想食果d博士呀盒呀!

Pula就到此為止,下回繼續沿海邊向南部進發~

===============================================

wa我寫到第100章啦!
對於我呢個又懶又無耐性既hea友嚟講,持之以恆篇篇成千字咁寫作真係一件天大難事!
幸好有各位讀者朋友一直既支持我先可以撐到而家!
真係非常非常多謝你地呀!

為左答謝咁多位網友,現舉行「你想寄你相」活動!
各位唔介意既話,可以係Facebook inbox你既地址比我,我會寄一張旅程中既靚相比你,當然係可以指定國家或地方呢!
其實呢個活動擺到明抄襲人地交換postcard啦!只係我蠢諗唔到其他同網友交流既方法g嗎!!
我都想寄postcard,但我旅行中真係無時間.......
總之係無其他意思的,只係作為多謝大家既小小心意~
一切個人資料絕對保密!我亦唔會寄自己個嘔心樣出嚟,放心啦!(雖然我覺得無人會理我...)

另外出下口術先 ------- 而家我Facebook page人數,話多唔多話少唔少咁去到8百幾人
仲有十零篇,唔知我完哂所有旅程遊記時,會唔會過到一千人呢~~~~~
XDXDXDXDXDXDXDXDXDXD

補完此Blog上未成文的相片和無聊閒事:
My Facebook Page : www.facebook.com/Garcia.in.Germany ,多多支持呀!~

*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

相關話題

收藏此文章
  • Facebook分享
  • WhatsApp分享
  • Line分享
  • 複製連結

發表評論

{{commentText.length}}個字
全部評論 {{comments.length}}

作者最新文章

更多旅遊文章推薦