德國working holiday第三十四章 : 聖誕節=德勒斯登

瀏覽人數:2383
發佈於 2013.12.22

8/12離開柏林,向第一站德國最東部城市德勒斯登Dresden出發

唔知點解由香港出發前已經對呢個城市充滿期待,聽聞係個充滿藝術建築既美麗古城,仲有全德國最古老既聖誕市集tim!只係呢一點已足夠讓我冀盼啦!

而旅程既開始仲有4位柏林既香港“美女”同遊一日,wa真係幾生修來既福份tim啦!

但出師未捷,一去到就比人查飛罰錢...........

唔係逃票,而係我地唔知德勒斯登既Tram唔係DB鐵路公司,等我地以為買左group ticket無事大安旨意唔走比佢查.......

雖然話個staff知我地無心比左個大discount,但d肉總係赤赤地...........

 

貴為全德國最古老既聖誕市集,德勒斯登果然係與別不同!

個感覺好難用文字表達,詞窮地說就係整個裝飾佈置,熱鬧氣氛都比其他城市強烈,甚至有其他market無既飾物食物

就算唔係市集,舊城區同新城區既普通街道,店舖都掛滿燈飾!

儘管嚴寒中天陰下雨,亦無損濃厚既節日氣氛,身處其中,甚至會錯覺今天就是聖誕節

um..........寫到亂七八糟,都係睇相好d ar ho?

 

 

別過相處多月既好朋友,第二日正式開始長期既獨自旅行

無意中比我開心大發現搵到王城內既另一個market (其實hostel d小冊子有介紹係我無為意.......)

特別之處係好多特別野食,cosplay,仲有男女混合全裸酒涌浸浴tim!真係聽到都想一試!

一見到實況,原來係market大街開揚式咁浸!

雖然近幾個月用德國既飲食以形補形唔怕比人望,但比人當動物園馬騮咁你看我看你,都係咪攪!

 

 

第三日既德勒斯登仍然天陰,我期待既白雪聖誕市集就咁泡湯了

難得hostel有free bike,即刻環繞個市一周先啦唔使講野!

踩左入林木區,但因為個break壞同泥濘問題差d衝左落河...........都係小心d好........

最後踩多陣行下街就返hostel plan行程同攪麻煩野,第朝就離開向下一站進發了

走果朝先好天氣!!!!!!!!點解要咁對我呀!!!??????

 

 

所謂既麻煩野,源於第二晚收到Ryanair email話我一月去斯德哥爾摩班飛機取消左,要我自己搵飛機free change

咁搵到啦,佢要收我錢

email問,1秒後auto reply話自己係web搵

打電話問,要收我1分鐘$20港幣,慘過173色情電話

email投訴,第日CS覆我都係website自己攪,搵到既有呢一項既就唔使問妳啦

email再問,直情唔覆你

果種火既程度係你即刻想比錢請十個毓民上身由亞洲鬧到歐洲都聽到!

只能說,香港既服務業真係世界頂級,l love HK

 

===================================


IG果邊間中會有d和Blog及fb page不一樣的相片和story,大家有興趣既去follow下支持下啦~


Instagram : https://www.instagram.com/fung_garcia_backpacker/




==============================

我既Youtube Channel正式開通啦!!!!

快d Click入 「鋒加西亞 / 旅人瘋語」Subscribe 睇片再禁個like啦!~



=================================

Email : funggarcia@gmail.com


文章同時刊於UBlog、 DC Fever Travel、 Blogspot 、遊牧爆谷Medium,請各位繼續多多支持呀!!!!!!!!!!!!!







*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

相關話題

收藏此文章
  • Facebook分享
  • WhatsApp分享
  • Line分享
  • 複製連結

發表評論

{{commentText.length}}個字
全部評論 {{comments.length}}

作者最新文章

更多旅遊文章推薦