基本上我真係當匈牙利係日本咁玩----勁浸勁食! 咁嚟到呢個歐洲溫泉大國，真係好難唔周圍浸周圍試下唔同feel既溫泉館ga wor! 短短一星期我就試左4個最出名既bath，一於記錄下同比其他網友參考下先! ========================================================= 1. Szechenyi Spa 地點 : 英雄廣場後方花園直入步行5分鐘左方 呢個係布達佩斯最有名既溫泉，有名到幾乎係地標咁滯，而佢面積之大同設施之長基本上係布達佩斯首屈一指ga la 室內池以現代白色中世紀建築為主，超凍既20℃冰水池至超舒服既40℃熱水池一百幾廿個，焗到你暈既乾蒸同乜都睇唔到既濕蒸桑拿6-7個 室外池以嬉水為主，背景為藍黃色古典建築，一個游水兩個玩水，約32℃至34℃，不定時會有按摩噴泉同happy旋渦你玩，定時會有一班白髮翁上演真人版棋魂，另外仲有按摩服務，不過我無試過 如果你鐘意多元化多野玩既，呢度一定岩你心水!不過價錢亦都偏貴，我要最平ticket乜都唔包連毛巾都唔要都成$140（4100福林） 不過佢係任浸唔嬲的，每個池坐一坐上嚟要浸哂都起碼成個鐘，絕對可以消磨大半日時間～ 假如係一家大細or同朋友一齊既，絕對值得一來! 點擊圖片放大 +5 2. Rudas Bath 地點 : Chain Bridge , Buda side入口正南方 呢個bath係我踩單車踩到攰見地圖上有而衝入去的，好似係唔知邊個東歐大文豪常去ga wor 職員自以為英文好勁，但完全雞同鴨講，又話close又話可以入都唔知點，最後總算3000福林（約$100）入左去 入到去，um，原來呢個場係只會比塊白色薄布你，全裸必須，而且今日係男士限定tim shit成件事好gay ar!!!!!!!!!!!!!!!!!!!!!!!!!!!! 明明係日本都試過全裸浸露天溫泉，個感覺無野好自然ga!點解係呢度會明顯越夜越有gay呢？？？？ 可能係日本人只會望你一望然後閉目靜靜享受，但東歐大漢就會高談闊論，注意各人大小之餘仲有人會撩你傾偈.......... 嗱我一向都支持明哥，而且都有一d有龍陽之僻既好友，但唔好攪我得唔得呀!我直過機場跑道ga! 學日本仔!合理眼!享受溫泉! 講真以環境計呢道真係一流! 完全古羅馬浴場式建築，彷石製的漆黑圓“供“形天花，以彩色玻璃開小洞令七色陽光透射而下，再被場內蒸氣折射，一遍莊嚴而迷幻既美感 場地不大，只有中央主池36℃，其餘4角副池由22℃至42℃，另有55℃至75℃ 3重溫度乾蒸同熱到入唔到去既濕蒸桑拿，主場地外圍仲有10℃既超級凍池，公共按摩房同私人按摩房 注意呢度係同土耳其一樣只有男按摩師!當我睇到一個全祼既男人訓係度比另一個全裸既男人搽衡全身番梘泡，再用力係咁捽發出d gi gi聲，再見到果d一間間既獨立按摩房.............. 好恐怖呀!!!!!!!!!!!!!!!!!!!!!!!!!!!!!!!!!!!!!你明我點解話呢度好gay啦!!!!!!!!!!!!!! 但如果你唔介意有d gay feel，又或睇過漫畫or電影羅馬浴場又鐘意既話，呢度真係不容錯過! （其他日子應該係男女著衫混浴的，但去之前要check check） （網絡圖片） 3. Kiraly Baths 地點 : Margaret Bridge , Buda side入口向南行5分鐘，個個出名銅像既小花園旁邊，鴨屎綠色外牆 如果你係女仔而又想去羅馬浴場見下阿部寬ge話，呢個xxxxxxxxxxxxxxxx bath就岩哂你啦! 基本上佢成個設計都同Radus Bath大同小異，只係地方再細d，而我去果日係男女泳衣混浴，所以基本上可以完全享受環境同溫泉啦 中央主池35℃，其他20℃，32℃，40℃小池各一，一間兩段溫度式乾蒸同濕蒸，就係咁多啦 不過可能無咩蒸氣，成個場雖然都靚，但總係少左d氣氛咁 價錢大約係不足$100（詳細唔記得左sorry），員工服務態度好，算是高性價比之選 （網上話呢度都有某d日子都係男人限定，如果真係去都要再check check,但以匈牙利人嚟講應該都唔會講.....） 4. Tapolca Cave Bath 地點 : Miskolc，由布達佩斯坐兩個幾鐘火車到達小鎮Miskolc，先坐1號或其他巴士到Bxxx ter (唔記得點串，幾個站ga ja)再轉2/20巴士到總站Tapolca，大路直行入就到 呢個距離布達佩斯有d遠既鎮得兩樣野值得去，舊城堡同Cave Bath 去到舊城堡成個維修緊無得入，即係我兩舊水來回4-5個鐘火車就係為左呢個Cave Bath，咁係唔係真的咁值得先!!？ 我會話見人見智啦 所謂Cave bath，其實係一個建於山洞內既大型嬉水游泳池，洞內有多條不同水道，有冷有暖，間中仲有急流比大家玩! 而亦有多個水池可供選擇，最浪漫係有一個漆黑一片，彷夜空星象的暖水池，特別受情侶歡迎! 但亦因為太浪漫太受歡迎，係東歐人熱情既作風下，係呢個得少少燈既幽暗角落，逼滿哂一對對玩緊纏綿遊戲既愛侶，程度大概係除左前曼聯隊長Kenny之外乜都齊 我可不想在水中掂到任何液體呀，望左兩眼後即走! 而除左swim都有一般既熱水凍水池，但呢度桑拿係要另外收錢的，秋冬天室外池亦都唔開，不過就有免費WiFi仲幾快tim 而價錢大約係$66起（1950福林），學生價約$50（1500福林）..........ee點解你會知學生價ge?.........不要問，只要信! 總括嚟講呢個Cave Bath人工成份都唔少，但可以係山洞內游水都算係一種特別體驗，幾適合一家大細，一班朋友或情侶嚟玩 如果你係匈牙利好得閒又有時間既，的確可以一試! 點擊圖片放大 +5 =================================== IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
