Kelfalonia （K島）是離Zakynthos （Z島）大約個半鐘船程的渡假小島，位於雅典嘅西面，既然已經身處Ionian sea, 怎樣不去去K島逛逛呢？雖然Z島和K島是鄰居，但除了夏天（5月尾至1O月）時間會一日有兩班船直航船往返外其他時間都要先去KYLLINI再轉船到K島，大約需時三個半鐘，想要即日來回就比較難。 而K島上的交通亦不是十分方便，一是要自駕遊，一是租一日taxi service, 如果想要budget一點可能參加day tour是比較好的選擇，有很多即日團可以在Z島報名，包船票和一些景點行程，就是冇咁自由吧。不過由Z島出發的day tour 都不是每日有團，大多數是星期三和星期日出發，所以真的打算去K島，比較需要預先安排好行程喔。 因為日子關係，我們基本上join不到day tour, 那麼就只可以自己去吧。我們一早便撘的士到Z島前往K島的碼頭，來回車€70, 可以要求中途在沉船灣展望台停一下，到達碼頭後要找一白色的小貨車，因為它便是售票處，記得買來回票呀！這程船亦是下層泊車，上層載人，船程大約一個小時左右，起初沿著Z島航行時風景真的很美，值得留在舺板上，但出了大海後，海風真的吹得很冷，就算是五月尾的日子，都一定要帶件外套，因為希臘嘅溫差好大，而且搭船嗰陣時啲海風一定系好凍㗎，建議還是留在客倉比較舒服呢。 就是這裏買去K島的船票，在碼頭上好易搵 去k島的船是上層載人下層載車，所以如果你喺Z島租左車嘅話係可以揸車到K島㗎，咁樣就比較方便自由行啦 我們向K島出發，船程大確一個小時多點，幸運地今天天氣真不錯，又有藍天白雲 到達K島碼頭後，發覺這裏真是百無，一落船就只係有一班好細好細間嘅Cafe，如果你冇租車又冇預約好的士真是有點頭痛怎樣可以到達附近的小鎮，所以真是要pre arranged好交通！島上的交通真是不太方便，主要是靠自駕遊，如果不喜租車那麼可以像我們般包租的士或參加local tour，費用亦不算很貴耶。不過要留意這兩個島其實是好大，我們由島的東面去西面都要撘的士一個小時呀，而且大多數都是荒涼彎彎曲曲的山路呢，而且經常有山羊出沒在山邊吃草，所以自駕遊要萬分小心！ 有個型仔司機令我們成個trip增值不少，而且他很屬K島的事情，沿途講解了不少給我們認識，例如這裏的風力發電是會輸出給德國用，亦都令我哋知道當年英國人為咗可以喺度滅蚊，係低窪地區種左大量嘅樹，樹將大量的積水吸走，冇咗水啲蚊就繁殖唔到落去，好有趣嘅冷知識。有他講解使我對這個島不只是覺得風景很美而已！ 今次我們來在K島主要是要看一個超藍blue cave（其實是被這個洞吸引左，真是一個充滿仙氣的地方），也會去 Melissani Cave，這個美麗的地下榕洞曾經舉行過一場orchestra, 因為佢係位於地下，整個空間都係密封，聲音在裏面是走不出去，於是形成了環迴立體聲，於是音色是超完美，你入到去之後可以試吓講嘢，就算係細聲都會聽得好清楚自己嘅回音。亦會去一個美麗的小漁村assos, 感受小漁村獨有的寧靜悠閒時光，希望今天是一個美好的一天喔。 由這裏是進入Melissani cave, 記得要穿運動鞋和小外套，因為進入洞的梯級又斜又滑，而且洞內長年都是寒氣十足，洞外洞內嘅溫差可以高達10度，由洞口行入洞內大確十分鐘左右，辛苦並不是太辛苦吧，不過一直體質係比較垂直再加上青苔令到樓梯更加滑腳，所以要慢慢行同埋小心平衡。 入到洞之後我哋可以見到一個超完美嘅半圓形溶洞，裏面係一個陰陰暗暗嘅環境，其實都有啲恐怖，好似異形裏面繁殖小型嗰個場面，爭在冇一啲異形蛋喺個地面。成個洞都唔算好大，行完一整圈大約要15分鐘左右，不過因為裏面係對陰暗好難影到相，而且非常潮濕，所以我哋都係留咗大約半個鐘頭就走啦。 我哋下一站就係去神秘天然的藍湖，呢個使人覺得置身於仙境般的景點，入口絕對不起眼，但在經過一條小隊道後，景色別有洞天，原本出面只係一個樹林，突然係眼前出現了深藍色的瀉湖，太似人間仙境吧！ 要遊覽這個藍湖必定是坐船吧，呢度坐船嘅收費係或一收費，位位收€5（末計他們會高歌一曲的tips)當船夫載我們出洞時，第一眼所見的那一片藍確實使人迷戀，好清澈嘅深藍色，整個世界好似只係剩返藍色一樣，天與水都係同一種色，實太有仙氣。但是當進入洞後，水藍色慢慢變成深綠色，我又會覺得好似進入左童話世界，好夢幻。 但當船再次駛出洞，那一剎那出現的藍，美得不可意異，好難用筆墨所形容，因為實係太似只有在動畫世界或者童話世界出現嘅景色。(ps如果要遊藍洞最佳的時間是中午過後，因為陽光係關鍵，如果冇陽光基本上藍色是唔會出現，所以可以先去melissani cave,再去看藍洞便是perfect timing) 你可以發現到那一點點的藍光嗎？它便是神秘的藍洞囉！ 好清㴛的湖水，這裡的藍是有層次和充滿透明感 最後一站，我哋係會去一個小漁村，感受希臘獨有嘅漁村文化，一個字可以形容HEA，你可以Hea住飲咖啡，hea住咁睇書，Hea住咁同啲貓玩，過一個慢活的下午，呢個亦都係旅行嘅最好地方，可以停下腳步，感受異國風情。 Assos是在K島最北端的小鎮，遊客不多，是一個很樸實的地方，如果喜歡這種寧靜的假期來這裏便對了，這裡沒有熱鬧的手信街亦冇大商場，只有一間又一間很有特色的cafe, 在這裡一本書一杯咖啡逗弄一下小貓便是一個下午，如果你喜歡這樣放空悠閒的假期，Assos 便是perfect！ 在小島的後面好似一條帶狀的便是Assos, 想過一個outback的假期應該要來這裡，保正想見到一團團陸客的機會是零。坐在cafe, 飲下coffee, 玩下貓便是一個下午，或者可以去游一下水，這裏是無污染的，好寫意的人生。 我們在K島過一個很悠閑的一天，總結來講K島最吸引人嘅地方係藍色嘅洞穴，佢真係超靚而且係其他地方好難見得到，一日其實已經夠玩啊所以唔需要喺嗰度過夜，做一個即日來回嘅行程就啱啱好。
