又「中式」又「cafe」，究竟係咩？無錯，呢個就係我去過一次就喜歡它嘅原因。 話說上星期，放工我地打算去西環西營盤逛逛，因為已經對中上環嘅餐廳厭倦喇。西營盤地鐵站B出口，行過正街街市，上斜行到第三街，我總是會停下腳步，望住那間已關門嘅The Hideout Coffee House，每次都會諗，你又收左舖喇？！下次放假下晏黎試下先！ 點知，今次企喺佢舖外，望入內街暗角，見到一個好chill 嘅木檯corner, 上面有個好光嘅細細霓虹招牌Mr. S. Y. PUNTI 呼喚著我！我就好奇入去睇睇。 入到去，望到餐廳好光好乾淨，有茶餐廳嘅卡位同水巴；牆上放了很多中國風嘅茶具和中國酒。水巴入面，又有一部專業嘅咖啡機，好特別嘅組合。我忍不住問下門口嘅店員，「你地關門未？」，佢話我知收10點，我就二話不說入去坐低喇！ 原來除左裝修，佢地更特別嘅係佢地嘅菜式！cafe 賣嘅唔係pasta，唔係牛角包沙拉，而係好傳統嘅中式食物配西色咖啡、特飲或啤酒！真係估佢唔到！ 最後我地點了煎蓮藕餅、素菜芹菜水餃。而飲品方面，佢地嘅選擇亦都很特別，有幾款手工啤，同無酒精特飲，我就點了出街很少見的杏仁奶茶，而佢就點了酸啤。 最好嘅係，果度嘅店員好有禮貌，又樂於同我地傾計交流。由於剛開店個半月，佢亦都好奇想知多d我地嘅意見，好有heart去進步改善。 食物方面，真係好有家嘅感覺，蓮藕餅加水餃，香口但不算油膩。飲品選擇也很好！唯一我覺得嘅係，佢對要多花心思在food pairing, 因為特別嘅中式食物，同佢嘅飲品選擇味道不太配合，縱使大家都是好東西。 期待下次到訪，這間有heart嘅秘密花園又會有新小食和更進步！ 想知道我生活其他所見所聞, 歡迎到我Website: http://hapife.com/ My Facebook https://www.facebook.com/Hapife-1676383362644561/
