香港玩泰拳的地方數之不盡，某程度因為減肥容易，每堂平均消耗700-1200卡路里，每月最少5磅喎! 港女熱捧下，好難唔hit足幾年! 由於香港muay thai 拳館已經發展得幾成熟，咁多選擇，梗係唔會再去d地踎拳館，我又唔係激戰張家輝，比我都會選擇有名師、有名氣嘅拳館啦! 今日去左位於銅鑼灣廣場對面行的Everlast Fight & Fitness 總店上泰拳(Muay Thai)。 Everlast 呢個運動品牌，對於好多人黎講，應該都唔陌生。但佢地喺香港有拳館你又知唔知？ 面積不大，但設備齊全 全層studio以黑色膠軟墊包圍，配合大量射燈，好型！面積不太大，但設備都好完備。大致分為三part: 健身器材區- 跑步機，舉重，TRX 都齊全。member 可在上課前後免費使用器材。 MMA - 聽講張家輝有喺度拍激戰！(不知道有冇被騙) 上課區- 頗為細的空間，大概2百尺空間，有沙包和三面鏡。 點擊圖片放大 +2 裝備 拳帶-學員要自備，若沒有的話可當場購買。我會建議計劃一星期上幾次堂的同學仔，最好買多一對拳帶替換，洗左都要d時間乾。 拳套- 有提供。如其他拳館一樣，因上手用完，出晒汗喺入面未乾，都幾噁心，盡量揀對啦！但最好都係用私伙啦！ 打拳喇!! 因為10pm先去上堂，都算幾夜，只得4個學生上堂，首先對鏡做一系列揮拳踢腳動作，直拳、勾拳、批踭，因為學員的技術都參差，再加上4個學員中有一個是日本人，導師用英語和粵語講解，態度都算有耐性和細心。 Part 1 熱身 (大約10分鐘): 來回掂地跑幾分鐘，同左右跳及各種平衡運動。其實就不算太攰，但由於場地偏細，來來回回，令我真的頭暈了～ Part 2 對鏡做動作訓練 (大約10分鐘): 一開始大家要對鏡做一系列的攻擊動作，直拳、 勾拳、勾肘、側踢、跳膝等。 Part 3 打沙包 (大約15分鐘): 跟對鏡時做的動作一樣, 都是跟教練指令， 連續做攻擊動作; 不同的是, 打沙包攰好多!hahaha...因為沙包很重，每拳每腿都要很大力，它才會微微移動。由於每個沙包的硬度都不同，建議初學者或女生們選用較軟身的沙包，要不然側踢時, 腿會瘀喇!! Part 4 一對一 (大約10分鐘): 到了最喜歡的環節! 教練帶上保護裝備後, 我們就可以輪流打佢!! (邪惡暴力怪上身~) 教練會大叫出指令, " one two! one two three four! straight punch! right kick! left elbow! right knee!..." 然後學員要最快地做出動作。手腳唔協調的我，經常慢半拍之餘，更左右錯晒。教練真係比我激死! Part 5 體能鍛鍊 (大約10分鐘): 學員分為2個一組，輪流做sit up, push up, squat, plank, lunges 等肌肉訓練。 Part 6 拉筋 (大約5分鐘): 做完咁多intensive 運動，當然最後要拉一拉筋舒緩一下啦! 而且泰拳其實好講求柔軟度，揮拳揮腿時，不夠柔軟，就很容易拉傷，尤其是腰部，因為很多動作也要扭腰。要打好泰拳, 回家也要好好拉筋呀！ 更衣室 個人黎講， 更衣室同衛生設備係我會唔會再去的其中一個重要因素。 一到Everlast 每人會派毛巾(女仔的毛巾是靚靚粉紅色的)及locker 鎖匙。 更衣室都算乾淨光線充足，locker 都夠長掛起冬天大褸，但稍嫌太窄，像我一樣常拿大袋的人, 就要硬把袋塞進去了。 淋浴間大概有5格，我想放工那些繁忙時間應該不夠用。但我這天晚上人少少還好。裡面提供的沐浴露跟洗頭水沒記錯的話，好像是L'Occitane! 不錯不錯! 另外, 基本的化妝桌、風筒和棉花棒都有。 感受 整體感覺不錯，絕對會再去! 價格 - 好浮動，有groupon、有trail 優惠；membership 月費就按年期而定，越長年期月費越便宜。 場地裝修- 比傳統拳館靚，而且有其他健身設施供使用，場地清潔， 都令有人意欲停留，多做一點運動! 服務-員工都算friendly。老實說，比想像中有點出入，可能佢地太多東西會計commission, sales 們都會把握機會sell下pt之類。 導師- 態度friendly，不太嚴肅，會講下笑。但跟warrior 的教練比較，不算太著重動作細節。要依靠學生自己問多d 整體評分(5♥ 最高分) 服 務: ♥♥♥ 導 師: ♥♥♥♥ 衛 生: ♥♥♥ 收 費: ♥♥♥ 有趣度: ♥♥♥♥ 難 度: ♥♥♥ 若你有其他做運動的好地方介紹，歡迎facebook留言話我知！ Like my Facebook!! ♥hapife facebook♥ Visit my Website!! ♥hapife.com♥
