假期時同老公行超級市塲， 老公大叫: 老婆好靚呀!........D南瓜! 不如今晚焗南瓜飯咯! 就係咁買左一個約3-4磅的南瓜番去整喇! 都只係HK$12.9/個 (購自: Taste 超級市場) 先小心切開南瓜頂部，不要切太深，然後開孔取出南瓜核 然後，再將南瓜底部略切平置於 Umami蒸鮮鍋 蒸十分鐘 待涼後可以小心起肉，經過蒸煮後的南瓜會變得軟， 記得要以輕力的刮出南瓜肉，不然用力過度南瓜會壓裂的 隨後要準備海鮮炒飯喇 先用蒜蓉炒好雜錦海鮮，然後盛起 再下蛋汁放下白飯兜勻， 然後，加入南瓜肉( 分2-3次共約4-5湯匙) 炒至乾身 之後，可將炒好的雜錦海鮮回鑊兜勻上碟備用 咖喱汁材料: 藍象黃咖喱 2 湯匙 牛油 約10g 淡奶 1 湯匙 椰漿 2 湯匙 室溫水 2 湯匙 *** 白鑊下牛油黃咖喱炒香，加入椰漿﹑淡奶﹑室溫水煮至略杰身 將海鮮炒飯放入南瓜盅內，倒入黃咖喱，再舖上碎芝士 (亦可將黃咖喱汁預先與炒飯兜勻才放入南瓜盅內) 唔好睇小一個小南瓜足足可以放入兩碗海鮮飯!! 最後，以200度 預熱焗爐20分鐘， 將整個南瓜放入焗爐，以180度焗至芝士完全溶即成!! 整完個刻大感滿足!!! 真係好靚同好好味!! 色香味俱全!! 本文分享純屬個人使用意見， 謝謝支謝！ ✿…Contact me …✿ yenchan82@yahoo.com.hk ✿… Main Blog …✿ shemom Prochats ✿… Others …✿ she.com l Beauty Exchange l the ztyle l Fashion & Beauty SaladBlog l U Beauty l Elle l ESDlife WOW l Fanpage
