做左BLOGGER未夠1年，都已經開始不自覺地周圍發掘新事物。 書展正係BEAUTY界大盛事，而且亦都係我地搵荀野既時候！ 噚晚睇FORUM見到好多SIS走左去書展，我都心郁郁。 臨訓前做下哂RESEARCH，睇哂禮品。 結果今朝7點起身、8點上西鐵、未夠9點到左書展買飛用$10入場！ 我到既時候，其實已經有100人喺我前面排隊「買飛」！！！ 淨係買飛都有100人，已經開始覺得慶幸識早1個鐘去啦。 買完飛條隊都已經開始轉彎，其實真係開始無哂信心。 結果1開繩俾人喺展館前排隊個MOMENT，我真係衝到上去！ 我終於做到第1批既100人入面啦！YEAH。 不過點都係要1E個邊入，所以入到去都係要跑。 夠鐘開門就即刻跑去最後排再衝去JESSICA個邊搵我既ED.PINAUD！ 我訂左$280為期2年既雜誌，不過得唔到我最想要既彩妝套妝，但係香水同CHOCOLA BB都照殺！ 搞掂即刻去ELLE用$168體驗版換我既GIFT A粉餅同PENCIL套裝同埋GIFT B既SONIA RYKIEL彩妝！ 勁好彩地俾我拎到最後1 SET SR，發達了。運氣真係爆燈！ 不過ELLE既福袋真係好多唔知咩黎，今日SURPRISE就係細細支REXONA！ 但係由JESSICA個度開始，我就要拎住重重既香水周圍行。 有諗過買車仔，亦都有諗過特快專遞SEND番屋企。不過好驚失！ 始終我搵ED.PINAUD搵左3年，上次去巴黎搵唔到專門店，今次能夠喺香港見番！ 我真係攬住唔放，幾重都要拎住佢行。 喺書商個度買埋叛逆歲月21&22，聽到有個女學生講3年級個陣追到而家啦！ 其實我都係FORM 1追到而家啦！哈﹏陪住我長大既小說！ 搞掂哂TARGET就可以慢慢行下，誤打誤撞地搵到乎徐淑敏既扮靚書，有8折都係$54.4！ 我仲幫JOYCE買埋TIM，之後行行下見到好多MACARONS既書！ 我挑選左作者曾經喺法國學廚多年，又有好多我喺歐洲食過既口味黎買！ 11點幾就開始好多人啦，我諗住行埋最後1轉就想走。 行到MARIE CLARIE個攤位俾STAFF講講下又訂埋$400為期2年，仲送左福袋！ 本身係見到SUISSE REBORN眼部精華套裝開始心動，但係要訂3個2年(1期拎3份)所以揀第樣！ 揀左SWISS BALANCE眼部精華同ENPRANI既4件旅行裝，仲送福袋！ 夾埋之前DOWNLOAD APP得番黎既6支LACTACYD同埋CRABTREE沐浴露！重得恐怖！ 買完之後上左3樓FOOD COURT食埋野就走，之前書展都無呢個安排！ 覺得今年既書展好有心，雖然食埋偏貴，不過都好多人上去食呀！ 總結JESSICA、ELLE、MARIE CLARIE既安排 大家喺FORUM都見到SIS極度投訴ELLE等左幾個鐘先填到FORM拎禮品都有1-2個鐘！ 今日去既大家都知最大路既PRODUCT其實送哂除左隻金色手錶返左貨！ 我覺得下年ELLE要改善既地方係絕對要加大個攤位，起碼要孖攤位啦。 如果係有D第1日送哂既受歡迎PRODUCT會返貨，我覺得係絕對有需要。 今日雖然少左1半人，但係我都覺得係職員成班堆埋1齊，絕對係好阻塞，辦事效率都唔會見得特別快！ 相反地JESSICA、MARIE CLARIE個邊因為佢地係會有D返貨兼且UPDATE新產品上去。 佢地個邊既秩序反而係做得好好多，佢地唔需要太多人手，但係都可以效率迅速。 COSMO個邊都唔錯，雖然我無訂野。不過我都感覺到大人流的話，係點都要起碼孖攤位先做得黎。 SIS真係唔需要灰心GA，大家都要返工先無辦法第1日去。我覺得大家仲有機會搵到好野既！ 即將會去既SIS小貼士 根據今日經驗，我係9點前去到排隊買飛都未必做到第1批頭100個入場！ 想做到頭100名既SIS，我勸你地唔好貪$10平價票！買定正價票入場穩陣D。 我都係總共用左唔駛1個鐘就搞掂哂訂雜誌事宜，前提係我真係由1E跑到去1A&B個邊！ 去之前真係要做好哂RESEARCH，我都係靠FORUM個邊既資料先整好我既流程！ 希望大家可以排得開心、睇得開心、訂得開心、拎得開心！ 附上書展後遺症及ED.PINAUD戰利品 好似自殺既血痕咁恐怖！
