抗疫在家, 整麵包、一日三餐都係自己煮的啊~ 今次的一人晚餐係乾葱薑蠔及蒜蓉蒸矮瓜拌花椒油, 15-20分鐘就食得! 乾葱薑蠔我用的是日本廣島急凍蠔, 響百佳買既, 當時特價$49.9, 一包都有差唔多12隻, 每隻都幾肥美厚肉! 解凍後, 在蠔上灑上生粉去潺, 再用清水清洗. 仲要用大滾水加少許紹興酒去汆水, 不要煮太耐, 大概10-12秒左右, 蠔邊稍微卷曲就要立即拿起. 用廚房紙印乾水份, 蠔均勻地沾生粉. 沾好就要立即去煎, 否則生粉會變糊, 黏黏的…這樣煎出來的蠔面就不夠香脆. 點擊圖片放大 鑊熱油滾, 放入蠔煎至兩面金黃. 放在碟上備用. 醬料是蠔油1湯匙、生抽1湯匙、紹興酒1湯匙、清水2湯匙、粟粉、糊椒粉、糖及鹽少許. 另外, 有薑2-3片, 乾葱1小個. 爆香薑及乾葱, 一定要爆得夠香, 這樣才惹味! 然後將煎好的蠔回鑊, 略炒兩下, 立即加入醬料快炒至醬汁緊緊黏著蠔身. 完成! 外層有少少香脆, 而蠔身仍是軟滑. 色水也不錯吧~ 蒜蓉蒸矮瓜拌花椒油由於煎蠔好惹味, 所以這味想要清淡些, 雖說是清淡, 但on top加了花椒油, 是平凡中的不平凡. 切好矮瓜, 未用時就浸在鹽水裏, 防止氧化變黃. 蒜蓉, 我鍾意自己刴, 加些少鹽及油拌勻就可鋪在矮瓜上. 點擊圖片放大 中火蒸8分鐘便可, 上枱前加入花椒油, 我受辣程度低, 所以不加太多, 當然喜歡辣的話, 加多些還要好味. 另外, 都可澆上少少生抽. 歡迎與我聯絡: jannis_tang174@hotmail.comFacebook fanpage: Jannis Tang Through the looking glassIG: jannistang
