話說岩岩過去既星期六, 小妹竟然一早6點鐘就爬起身落中環幫愛護動物協會SPCA賣旗籌款，平時有賣開獎卷既我，賣旗對我黎講當然冇咩難度啦，但係賣旗真係比賣獎卷辛苦好多倍(我是勤力小寶寶)，因為啲coins真係重到我手都痹埋…… oops (工作人員話我旗袋最重，我冇偷懶架，keekee) 不過見到好多人$100/$50 咁捐，我見到都好開心，連去蒲到銀包都唔見埋既美國靚仔都用佢最後$2幫我買左支旗，仲得到擁抱一個，真係幾攰幾肚餓都抵返晒啦~ wakakaka 今年SPCA既旗真係超級靚呀!!!! 賣完旗, 係中環行左個圈, 就返左屋企訓晏覺, 點知5點幾比個朋友打黎嘈醒左又訓唔返, 心血來潮好想行街, 咩都唔理就換衫衝出門口, 不過諗諗下又覺得一個人shopping真係好悶, 所以立即打比我既Best Friend Bowie 一齊shopping 去, yeah!!!! 朋友仔未收工, 所以自己一個行左早前小妹都介紹過超舒服拖鞋店AIR SPIRE (詳細內容請參閱前文:- http://blog.yahoo.com/Celine_Diane/articles/1215401/index) 我最鍾意買iPamena既原因有幾點: 1) 有童裝, 呢個真係超重點, 因為Summer我最鍾意著拖鞋, 而我都講過我對腳係超級童裝腳, 著童裝1號, 所以平時女裝最細我都會大, 所以有童裝仲要fit size我真係開心到喊出黎~ 2) 平 - 一對拖鞋, 都只係$119, 平時出面是但買對都係咁上下價錢啦~ 3) 超級柔軟舒服 - 呢個我上前篇文都有講過, iPamena d 拖鞋著上腳真係超級舒服, 十分柔軟, point腳佢都可以貼實對腳, 條帶亦都唔會整到對腳又紅又痛, 的確係爽YY 4) 靚 - 有咁多款選擇, 而且2邊腳都唔同款, 睇到都好開心, 你地可能話cher, 你著住都踩住左邊有人睇到wo.... 咁你就錯啦, 因為佢d圖案係連鞋邊都有架, 而且佢仲可以係鞋帶位自選pins, 造成一對獨一冇異既拖鞋, 出街心情都靚d啦~ 我而家差唔多一個月都會去行一次睇下佢有咩新款出, 一有靚靚新款, 就立即買買買!!! 而且店員都好nice, 下次經過, 大家都可以去睇下架~ ^^ 之後見到廣告Bioderma做更discount, 更係立即去睇下啦~ 見到紅水+B5 Gel都係做更$399, 不過諗諗下屋企仲有好多未用得晒, 我黎既目的就只係紅水, 所以就決定買另一Set, 紅水+爽膚水+防曬Day Cream, 都只係$258/set, 平時一支紅水都要$228啦, 而家多2樣野都係加多$30, 所以決定入手2set, 朋友都見我係咁話抵, 所以又買左一set, 點知好好人既BA話新會員買4件products送潔膚啫喱, 所以最後又買多左支噴噴水, 再最多set新會員simple, total多謝$606離場~ 之前就去左地帶etude house, 買左2支新出夏季限量版既泡沫型冰爽噴劑Ice Shot Cool Band, 佢係以加拿大冰河溶水天然製成既, 泡沫噴出後瞬間凝結成膠布狀, 可以代替冰塊或膏貼, 隨時隨地貼於須要降溫或鎮靜的肌膚部位, 其清涼感有效持續2分鐘~ 呢支真係好好玩, 而且$128支/80ml仲送Sun Prise, 覺得都ok抵, 所以買左2支, 再送一片珍珠mask~ 點知.... 去左Time Square 間店見到有頸cool送, 而且買滿幾$送咩個d既禮物比地帶店黎得更好, 我立即O晒咀, 反正個頸cool咁靚, 我本身都想買返個係床到睇電視用, 所以最後又買多左支同樣係夏季限量版既Ice Shot Sleeping Mist, $108支/80ml, 亦都有送Sun Prise + 珍珠paper mask.... 我下次都係去Time Square店買啦... d 禮物正咁多~ 之後就去Sogo買背囊, 見到Outdoor一個都要$6-700, 所以決定買Jansport都係$399, 買左我最愛既桃紅色, 而朋友仔都買左個藍色齊齊[咩], yeah!!! 而呢個袋我仲即買即用, 因為d紅水用手拎真係好重, hahahhaa~ 最後就係去拎早前訂好既林三益 x 柳燕既粉刺bye bye掃, 因為之前睇女人我最大, 藍心湄講到咁正, 所以就買黎試下, 不過之前一路都冇貨要訂, 所以今次就順手拎埋啦~ 誠惠$158~ 其實我買野都唔係亂買架, 樣樣我都係覺得有用先入手, 同埋真係抵呀嘛, 買一次有排都唔洗再買~ 不過今次銀包就真係大出血啦, 4小時, 買野食野, 咁就洗左成$2000, 睇黎今個月都係要收手啦~ 小妹facebook朋友仔專頁, 請大家都黎like一下啦~ 另外微博都關注一下啦
