好過份的我要記錄番今年一月的行程，伊勢二天一夜之旅！不要打我（笑） 去伊勢最最最簡單有兩條路，一係由名古屋出發，一係由大阪出阪。兩者都係坐近鐵。 我係大阪出發要去難波坐近鐵兩個鐘頭唔洗就到，如果只係去伊勢神宮，勉強可以即日來回。但好似我咁有其他景點想去就要留宿啦。玩悶左京阪神，可以考慮下呢個地方。利申：比較寧靜比較鄉下。 一落車就出阪去伊勢神宮，未行到去已經比食物吸引…我必須講今次都算係吃貨之旅。 冇咩外國遊客，一月份岩岩過左日本新年，人流唔算多。今次參拜完順道去將跟左我好多年的御守還番比神明，買了一個新的御守。 伊勢神宮分左內宮同外宮，佢地唔係痴住，順住人流就會行到另一邊。大家記得去晒兩邊。 作為觀光景點當然有商店街比大家買手信。呢到比較熱鬧，我就揀左間壽司店食lunch。 伊勢出名龍蝦，中有三重縣的松阪牛。松阪牛壽司入口即溶（最右），好食到感動。 前提左呢到算係一個小鄉下，冇咩晚間活動。check in後我係酒店附近行左一陣就決定食晚飯（又食了）晚飯又係佢。松阪牛！ 今次係焼き肉，另一風味。食飽番上房睇睇下電視就訓左啦… 第二日出發去二見浦，坐JR就可以到。落左車因為太早D店都未開晒，呢到好古色古鄉。有好多溫泉旅館，大家可以考慮住呢到，聽講會睇到日出嫁。 一望無際的大海，邊行邊影，一直行就會見到二見浦景點，夫婦岩。 完左呢個景點，臨番大阪前又係食番餐海鮮先。（果然係吃貨之旅）好甜好甜的蠔，餵飽了生命。 ——————————————— IG看近況：7kahei
