遲來補番上個月天神祭奉納花火，每年都超過100萬人參加。好彩當日唔係好熱咋，唔係我實講粗口呀。好多日本妹妹著浴衣嫁呢，各位黎旅行千奇唔好錯過。 保護証人組。講小小題外話，其實浴衣真係貴有貴買平有平買。貴ge要一萬yen以上，平的話兩三千yen都買到。而且愈近花火大會就愈平嫁。另外唔識綁的話可以買一款後面個結係假ge，夾上去就可以嫁啦。我買ge係綁，但我又唔識綁。呢個時候都係出外靠朋友（笑） 成6點先去到，先去商店街食小小野，成街都係攤販。其實出到去中有大量屋台。呢個時候你會發現日本都唔係好乾淨，其實垃圾都係隨地見到。 花火大會前一日ge表演我就冇去到睇，不過當日都中有野睇，好熱鬧。唔識形容，總之好似新年去維園，聖誕去尖咀咁。最後錄左小小低清煙花。其實當日一開始我地去錯地方睇，開始左聽到聲都冇野睇，之後就跑番去另一邊，呢個時候我就完全無視日本警察，我叫我唔好行去邊我就行去邊（真係唔好學我）最後都搵到個好位睇。 https://youtu.be/QwmxNmQ9T4E 全程其實放左成個鐘頭，睇到眼訓…話說今個星期又約好左去睇花火大會啦，今次可以係室內睇，爽yyです！ つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
