終於放假一天，但係溫書溫到好悶，做下廢青寫廢話先。前兩日執notes，就考試啦ma，搵番好耐之前拎的poster，好啦日本好似都係今個月上，有時間我都想去睇喔。 同學介紹的雞魚食堂…間野真係叫雞魚唔知咩，但其實都有其他肉…因為大件夾好食，我連續兩日lunch都去呢間食。大份到食完個lunch，晚餐係食水果就夠。呢兩個星期的星期六行程係：11點半出門口同朋友食飯，一齊去日本語教室，之後再去打工。所以係冇咩時間食飯，每次都食到飽飽先可以支持一整日呢。 今個星期日本語教室開茶會，其實都係吹水會。每星期要用日文吹個半鐘頭水，每次都有dead air的時候，大佬我日文唔好先黎，對方唔開topic其實我邊有咁多話題呀。我目標係做到零dead air！ 由於日本語教室同埋學校都係好近我打工的地方，有時早左到公司附近又冇野做，就係隔離神社坐下吸引下天地靈氣… 到今日放假，完完全全唔洗番學又唔洗打工。想係屋企附近搵個新地方，食下野睇下書。由街頭踩到街尾，星期日wo，好多都要等位啦，最後搵到原來屋企後街有間完全唔應該係住宅區出現的cafe（太多人我又冇咩影相，但一定會再去） 我點左個curry飯，我見隔離台阿伯冇食晒就走以為中伏。食落就估應該係日本人覺得太濃味同埋比較辣唔似平時d甜味咖哩。望落去份量唔多，但食完就飽到眼訓。下次要試甜品…我要變孤獨的美食家了T=T 有咁上下裝修食物又唔錯，價錢就係一般西餐廳咁上下，對於我黎講lunch的話係偏貴小小。所以…我唔客氣地坐左差唔多3個鐘，反正冇人會趕我走… 而由於lunch食得太好，晚餐食個杯面黎懲罰自己… 不過重點係日本人真係好西利，連個蓋都係廣告。 つづく －－－－－－－－－－－－－－－－－－－－－－ 更緊密的無聊事請看面書： https://www.facebook.com/ami7.sevenkahei/
