妹子參加左45分鐘工作坊 - 禪繞畫 未開始畫既時間導師助手派左2張紙(小正方形, 大正方形) 同3枝筆 (鉛筆, 紙筆-主要打陰影用, 黑墨水筆) 之後慢慢解釋禪繞畫究竟係點，畫d乜野，宗旨係咩 其實禪繞畫唔需要複雜的線條，一直一橫圓圈點點，重複專注畫 有些人活在過去，有些人活在未來(擔憂吧)，禪繞畫則叫人們活在當下 歷史/背景唔多講，因為網上既資料亦都可以睇到，我就分享下自己既感受同過程吧! 因為係簡短工作坊，導師都係一邊指導一邊畫，首先係畫左細正方形卡先 兩張卡紙比普通白紙鞋身，筆觸於紙上行走時比較困難，但只要專心慢慢一筆筆畫，就會輕鬆了! 導師仲教左點樣打陰影令圖突出d ，有突起既感覺! 細正方形完成圖 (呢度係兩張併埋左....) - 15分鐘完成 線條好簡單，全部都係直線! 唔洗諗構圖你想點就點! 畫完15分鐘導師令大家有概念之後，佢就再指導我地畫大正方形! 首先分左4個格仔，再逐格開始畫，成個過程一路聽住導師講而導師自己都一邊畫 唔洗望人畫得靚唔靚，只要當下覺得想畫就畫，畫到覺得夠就停 大正方形完成圖 - 30分鐘完成 畫完覺得成個人輕鬆左，專注係一件事上面，個人都開心左! 呢個就係活在當下啦! 導師叫大家拎大正方出黎合拼，每個人筆觸同畫風都唔同，好特別呀! 大家都可以試下呀! 好有趣! 我見油麻地中南廣場有一set連紙筆賣! 導師完左仲叫我地like佢facebook! 有興趣都可以去望下呀! https://www.facebook.com/cztvisible/
