原來已經隔左咁耐冇寫過BLOG. 因為又要趕功課. 又要玩POKEMON GO XD 今次買左既野係...登登登登... 貼紙 但我唔係買一張張印好既貼紙 而係買一疊A4貼紙自己PRINT XD 好! 到貨 今次真係開箱. 有埋個箱俾你睇. 哈哈! 我都唔知點解佢叫不干膠(筆桿真係太膠XD). OK! 我知道個GAG好爛 爛GAG. I AM THE KING. I AM THE NEW WORLD! 佢個包裝袋係話INKJET PRINTER, LASER PRINTER同埋影印機都可以用 我買RMB14. 有90張左右 我再入去條LINK 竟然賣緊RMB12.8 好嬲! https://detail.tmall.com/item.htm?id=43155890129&spm=a1z09.2.0.0.Qspbsi&_u=joe4263c5ca 咁我就求祈搵左一幅我之前畫既圖黎PRINT. 我係用影印機哥類咁大既PRINTER PRINT 既. 得黑白冇彩色 SORRY! (其實我之後係試過PRINT彩色既. 但我唔記得影相...唔好打我!!!!) 效果唔錯WOR! 防水測試: 我倒左D水落去試下會唔會化. 再印乾佢睇下會唔會有甩色既情況出現. 諗起乾. 唔知點解即刻諗起格甩底 -_- 除左接埋左之外. 佢係冇甩色既. 題外話. 如果D紙濕左整乾唔想佢皺的話. 係可以擺入雪櫃. 搵D重野壓住 咁就會好似冇濕過咁XD 總括黎講我覺得係幾抵既. 特別係好岩D爸爸媽媽買黎PRINT 俾小朋友周圍貼 因為一張A4 SIZE 都可以PRINT 到好多張貼紙 不過可能我已經好OUT. 而家D小朋友已經唔玩貼紙.................. 貼紙簿都已經係暴露年紀既一樣野LU~~
