與金沙個空中花園緣慳一面,大食代個Food Mall 又插針不落,有得睇無得食,欣賞完靚靚濱海灣建築物及在魚尾獅像簽到後,便立即出發去尋找 King of the Fruit 榴槤果王做午餐。 「金鳳大戰貓山王」 大部份在香港買到的榴槤都是由泰國進口的金枕頭、甲倫、青尼等品種;亦曾在清邁品嚐了一種細細個但柄長長叫"Long Stem 干腰" 的泰國榴槤,比金枕頭更好食。但雙比在樹上熟的馬來西亞榴槤,仍有一段距離! 以往馬來西亞榴槤供應有限,出口到香港亦不多,最近已見有急凍的馬來西亞榴槤進口香港市場,因售價都不便宜,袛在一些高檔超市出售… 榴槤是 "愛飛的太太" favorite至愛。上兩次到訪馬來西亞亦曾試吃過當造的D24,今次再訪新加坡,就一定要去試試 "日日有食神韜哥" 介紹的「727榴槤專賣西餅店」,尋找更美味的「貓山王」榴槤。 「727榴槤專賣西餅店」不在市中心,從魚尾獅廣場前往要先乘MRT地鐵到 Serangoon 站,再轉乘巴士,全程約需四十分鐘。 首先品嚐了一個「貓山王」,果然非同凡響,金黃色的肉,真的比D24更香更甜! 老板見 "愛飛的太太" 仍意猶未盡,推介我們試多一隻叫「金鳳」的小榴槤,細細個但有很多肉,而且粒核好細,比貓山王更甘甜,香氣四溢兼啖啖肉,原來馬來西亞榴槤同泰國香米一樣,叫得做「金鳳」的,果然係頂級貨。 好在今天沒有食午餐,兩隻胃食貓不用半小時就消滅了兩個榴槤! 卡路里?明天才算吧… 問我有幾好食?不用多說了!去片…… YOUTUBE: http://youtu.be/8-C-k87hTns 除了每日由馬來西亞新鮮運來榴槤,727專賣店還付設餅店,所有糕餅甜品都採用D24榴槤炮製,但我們真的吃不下了! 「貓山王」與「金鳳」決戰後都齊齊輸了!佢哋兩個俾我哋用兩個大肚腩收服咗,哈哈哈!佢哋又怎能飛得出我地D手指隙吖,我地將二十隻手指都吮得乾乾凈淨,啜到無晒榴槤味為止……出得來行走江湖,大飲大食,就預咗無儀態駕喇!真係太好食了!愛飛的太太和我才是大贏家!哈哈哈X10! 店鋪地址: No. 22 Yio Chu Kang Road, #01-01 Highland Centre, Singapore 545535