『味遊獅城七十小時….地度風味小吃』

瀏覽人數: 710
 
「百年老巴剎
位於新加坡商業中心區內的「老巴剎Lau Pa Sat」已有百多年歷史,建於1894年,早期是街市,後來改建為熟食中心,原用至今。 

整幢建築物都極富英國維多利亞時代的色彩,古典幽雅。被週邊的高樓摩登商厦包圍着,在其中的老巴剎變得更有特色,新舊並存。新加坡政府在保育歷史文化的努力,應記一功………讚!
本想到這熟食中心試齊新加坡的全統地度美食小吃,誰不知到步後發覺祇得小半數食店營業,場面冷清,不知道是否我們太早,末到食晚飯時間。在老巴剎內逛了一圈、快拍數張便打算離開到其它巴剎覓食……… 
 
 
「風味沙爹串燒 
剛要離開時,發現"食神韜韜"推介的「沙爹街」就在老巴剎隔鄰,見人頭湧湧,都幾熱鬧。這條街白天是繁忙的街道,到了傍晚就不讓汔車駛入,變成 BBQ燒煙四起的沙爹街。

 
每見有遊客行近,來自十多檔串燒沙爹的伙記隨即上前落力兜客。我們揸定主意,先行一個圈,看看環境才作最後決定!見檔檔都掛出"Best Satay" 個招牌,全部都有很多雜誌剪報作宣傳。
最後都是用我們套 ~黃金定律~ 即那處多人就去幫襯那一檔,我哋呢兩隻懷著成群羊咩心態嘅肥羊就掌紋鎖定咗「8號」佳麗………呢檔又真係幾多客,重見到張張枱都堆滿沙爹竹簽,差極都有限!
我家主人除了愛飛亦同時愛靚,今午才勁吃了兩隻榴槤,驚注久違了的青春豆豆再現,話怕熱氣,叫少少沙爹試吓先!見餐牌有不同數量、肉類及價錢的套餐,便柯打了蠅量級份量的Set-A,有10串雞、5串牛、5串羊及5串蝦,共25串盛惠 S$22坡元。剛烤好的沙爹蘸上濃郁花生香味的秘製沙爹醬汁,熱辣辣一大啖入口,肉汁加沙爹醬在口腔內四射,就如萬馬奔騰,又真係幾鬼好味。串燒烤蝦吃得出是用新鮮的海中蝦,非一般雪藏貨式,蝦肉又爽又甜又彈口………又要讚! 
加多兩杯青檸冰下下火,是日晚餐用沙爹串燒做序幕,上集就少吃多滋味!
 
 食完沙爹又坐地鐵返回烏節路行商場歎冷氣,唔駛係街度行,身水身汗。話事話新加坡沒有香港那麼濕及熱焗,大部份商場及巴士的冷氣真係好似入咗冰箱一樣,一出一入商場,一上一落巴士,一冷一熱,好容易中招!
 
「橫掃食代館 
昨晚見「ION Orchard Food Opera 食代館」內有數十個小食檔,全都是美味的新加坡地度美食,今晚就決定到這裡試試,又係時間上映是日晚餐下集大結局了! 
先前剛食咗25串沙爹,加多碗粉應該足夠涯到明天份Traders 早餐,但食代館各種地度美食真係太吸引,我哋呢兩隻為食貓又怎能忍得住,全面失守…….新加坡叻沙(要)、福州大魚丸(要)、豬油渣乾撈粗麵(要)、蛋煎蚵仔(要)….
最後行過見燒雞翼啱啱出爐(唔該要四隻)。叫吓!要呀!最後擺滿成枱…………襯熱!吃吧!
 今日食到好飽!決定唔做步兵行番酒店,橫掂有 Tourist Pass,搭兩個站巴士慳番D腳骨力!返到酒店,發覺條褲頭窄咗,唔通條褲縮咗水?唔知點解?最後都係無去惗就訓覺覺…….
甜睡了一晚!還夢見貓山王約咗金鳳去食沙爹添!
So Sweet……….
 
 
 
 
 
 
 
 
 
 

free counters
Free counters

You can follow any responses to this entry through the RSS 2.0 feed.

發表迴響

Subscribe: Entries | Comments

Copyright © 愛飛的太太 2019 | 愛飛的太太 is proudly powered by WordPress and Ani World.