【第三天...開心渡假營の湯巡追莊】 仲夏*自駕北行の九州 星期四 陰天 南阿蘇高森町>>北阿蘇內牧溫泉 食完田樂燒BBQ, 雨都停了。由南阿蘇村的高森走回阿蘇北面的內牧溫泉要先蹺過阿蘇火山,走265號國道, 只需半小時車程,我們在下午六時便到達『湯巡追莊』旅館... 沒有奢華的佈局,沒有豪華的裝修, 湯巡追莊似渡假營多過一間酒店, 但好實在, 入住的大多是本地一家大細的日本人, 而服務員都很熱誠... 離晚飯時間尚有一小時多, 我們便先租用一個無料家族風呂, 一家人第一次齊齊浸溫泉,輕鬆一下, 疲倦拜拜... 一如其它溫泉旅館, 晚飯及早餐都是一早預訂好 (一泊二食)。我們今晚柯打了「湯巡リ會席料理」, 有熊本縣著名的"馬肉剌身"、鹿兒島的黑豚、黑毛和牛、迷妳鮑魚燒…等陣容鼎盛的豐富美食。 晚飯後旅館安排了多項親子節目, 有無賭博成份的泵波拿, 汽鎗射擊, 拋波仔等遊戲, 勝出仲有獎品呢! 幾乎全部旅客都出席參與。 跟著便時卡拉OK比賽, 各參賽者都唱得有板有眼, 非常精釆呢。欣賞完表演仲有無料甜品做宵夜, 可邊吃杏仁豆腐,一邊坐著電動按摩椅, 來次甜甜"馬殺雞"。好爽啊! 旅館更提供無料數碼拍照, 打印好的相片連同精美相架贈送給入住的客人留念。 入住湯巡追莊,感覺同去「地中海俱樂部 CLUB MED」有點相似, 有得食有得玩, 職員分析不同角色, 可以係食事處的服務員, 又可以係遊戲節目的主持人, 每位客人都歡笑滿面。與CLUB MED不同的, 是湯巡追莊來得地道,來得平民...仲有溫泉浸呢! 註: 多謝網友SaSa的推介! 住宿:- 湯巡追莊 電話番号:0967-32-0622 所在地:〒869-2301 熊本県阿蘇市内牧385-1 http://www.yumeoisou.com/ 9,800円 × 3 名 入湯税:450 円 合計 29,850 円 (3pax) …………………>> 續