【第四天...熊本の味*味千拉麵】 仲夏*自駕北行の九州 星期五 晴 阿蘇山田牧場 >> 味千拉麵本店 從山田牧場到熊本市 味千拉麵本店衹需四十分車程, 距離約有30km… 沿路上車都比較多, 路旁都有很多賣農產品的市場, 到了群益城町見到有間鮮魚市場『鮮魚の丸勢』, 便泊車睇睇有冇又平又靚的魚生賣! 嘩! 成兩呎長的「紅衫魚」! 好新鮮的「山女魚」 當然有美味壽司喇! 係魚市場隔鄰就是一間更大的農產市埸… 有好大個西瓜、巨峰提子、大量熊本縣出名的土產, 除了野菜蔬果, 這裏又有來自九州不同地方的精選肉類, 如鹿兒島黑毛豚肉、佐賀牛...等! 我地買了蟹子蟹肉沙律同巨峰提子充饑, 吃完便向味千拉麵的本店出發… "味千拉麵"店始創於1968年,發源地日本九州的熊本,自負擁有九州"白湯之雄"美譽,其獨特之白湯採用豬大骨,各類魚骨經長時間熬炖而成,含有大量"軟骨素",對人體骨骼鈣質有著極佳的補充...... "其經營理念是「食的精神」貢獻社會,提供簡單、衛生、便利、美味、健康的麵食。 "味千拉麵"擁有一流的日本拉麵產品與文化,在亞洲各地區已開設近二百家連鎖店...... 我們在下午二時多到達味千拉麵本店 (第一間拉麵店); 可能已過了午飯繁忙時間, 店內袛有很少人客。 我地叫了 人氣餃子、豬骨湯拉麵、味千义燒拉麵及人氣味千拉麵。 三隻胃食貓都好似味千個招牌孖髻妹, 好食到單晒眼呢! 埋單多謝¥2550。 食飽便出發到『水前寺』參觀... …………………>> 續