日本再自駕‧秋葉初體驗...歸途‧美麗回憶 第七天‧金‧2007/11/15‧ 準時六點半Check-out, 便拖注兩大喼行李行過去JRTower旁的「名鐵」名古屋站, 乘列車到中部國際機場 (普通"急行"列車每位¥850), 前往中部機場的列車班次頻密, 有不同級別列車, 分為"快速特急"、"特急"、"急行", 最快的"快速特急"衹需半小時多車程, 站次亦相對少, 但票價亦較高, 而全車均為指定席(劃位), 在自助售票機買飛後便落月台, 尚未到早上七點, 月台上開始有很多趕上班的乘客, 等左一陣, 往機場的列車在6:53到站, 因不是特快班次, 列車沿途都要停站, 差不多用了四十五分鍾車程, 在7:35到達機場... 見機場人頭湧湧, 便第一時間去CX個櫃位做登機手續, 雖然多人, 但職員好有效率, 唔駛一陣就攪掂, 我們便隨即排隊進入離境大堂, 唸注日本D機場會有好多野賣, 點知裡便商店唔多, 都無乜收穫, 又未食早餐, 餓餓地, 見到得一間餐店 (可能我地找不到), 便是旦食碗拉麵同漢堡包就算, 好彩又幾好味... 我們乘搭回港的CX533航班在上午十時起飛, 國泰D飛機餐又幾好食...讚! 飛左四個半鍾, 睇咗舊片無間道2, 及陳奕迅同楊千華套講"富貴墟"既街市生活小品 (吾記得左套戲名添!)後 。A340空中客車在下午一點半降落赤鱲角, 我們這次七天日本自駕紅葉旅便劃上句號... --- 全文完 --- 後記:- 在這短短七天旅程, 天氣因秋冬轉變都不穩定, 又遇上風雪, 又下大雨, 但亦無減太太和我的興致, 因為旅遊就是這樣, 盡管事前功夫做足, 有周詳計劃, 但天氣都不能控制, 其實最好不過是在任何環境與天氣中去感受在到訪那一刻, 總會有美麗的一面。當您找到時, 那份驚喜又是一種難以形容的滿足!~!