。日本再自駕‧秋葉初體驗…宇奈月溫泉。。。。。

瀏覽人數: 689

日本再自駕‧秋葉初體驗…宇奈月溫泉

第三天 (續)......     

前往『黑部市 宇奈月溫泉』的148國道車比較多, 仲有很多大貨車, 一架跟一架, 加上落雨, 車速都比較幔, 因早了離開立山黑部, 時間都預鬆了, 經過個多小時在國道上龜速駕駛, 最後在下午約三時半到達黑部市, 見時間尚早, 便先到宇奈月麥酒館參觀, 麥酒即啤酒, 宇奈月的泉水獨特, 釀製出來的啤酒都有清醇的口感。因為尚要駕車, 我們改試了麥酒味軟雪糕, 但都是無乜驚喜! 參觀完小型釀製啤酒工場, 上上"御手洗", 略作休息後便繼續前往宇奈月溫泉街…..

雨仍然未停, 才四點多, 天色已昏暗, 約廿分鐘車程, 便到達今晚入住的 “フィール宇奈月Feel Unazuki", 酒店就在JR駅傍, 是間中型溫泉旅館, 我們預早上網Book好季節套票, 每人¥9400, 一泊一朝食連 “黑部峽谷觀光火車票"。駐車場和入浴(浸溫泉)都是免費, 唯一不方便是旅館不設夕食(晚餐); 辨好Check-in 手續便上房略為梳洗, 放好行李便走出溫泉街覓食….

雨仍是落個不停, 才五點多, 街上已很靜, 只有數間賣手信的商店仍開門營業。好彩離旅館不完有數間食事處, 我們揀了間叫『味處河鹿』的日本小館, 是家庭式經營, 形式如一般的居酒屋, 我們坐在吧枱位置, 正好面對一大盆 “關東煮物", 唔識講唯有指指吓, 可能肚餓, 唔覺唔覺指左三個Round, 見隔離有兩位日本女仕食緊煲海鮮飯 (釜飯・おでん・季節料理), 津津有味, 我地當然唔放過, 照辨一指, 柯打左一份, 太太想食牛肉丼, 點知講極老板娘都唔明, 就由得她發辨, 最後居然來了客好食到 “嘩" 一聲既鰻魚飯定食, 而我個席前即煑既雜錦海鮮煲仔飯又啱啱煲好, 熱辣辣! 好好味! 吃飽飽埋單, 多謝¥3610 並附送老板娘既熱惰招乎呢!

雨仍然落着, 傾盆大果隻, 條街黑嘛嘛都無乜好逛, 就返酒店享受宇奈月既溫泉吧, 希望D雨落埋今晚就停喇…..唉!~!

……續

 

You can follow any responses to this entry through the RSS 2.0 feed.

發表迴響

Subscribe: Entries | Comments

Copyright © 愛飛的太太 2019 | 愛飛的太太 is proudly powered by WordPress and Ani World.