【第一天...日田の鵜飼】 仲夏*自駕北行の九州 星期二 香港>福岡>日田溫泉 出發喇! 「仲夏*自駕北行の九州」要出發喇! 早上六時半抵達機鐵站, 在港龍櫃台辨理登機手續及托運行李後便乘機鐵往機場... 港龍 KA316 航機 在下午一時卅分降落褔岡機場... 入境後旅客要乘免費穿梭巴從國際客運大樓到內陸客運大樓再乘搭其它交通工具。 TOYOTA 租車公司就在內陸客運大樓對面, 非常方便; 出發前已上網做好預約, 職員很快便辨妥租車手續。同上次去白川鄉一樣, 我地再一次租架 Hybrid 油電混能 PRIUS, 又慳油又環保, 一家三口加兩個大喼啱啱好, 如果用信用卡找數仲有九五折添, 五日租金連保險多謝44,152円。因 PRIUS 架車既操作已有一定的認識, 只需 SPOT-CHECK 試試個 GPS 導航功能便出發。 第一個站非常近, 衹需五分鍾車程的 『支那そば 北熊 福岡空港店』食燒豚拉麵。 睇下呢碗剩係見到豚肉既北熊味拉麵有幾震撼...1000円, 超好味! 仲有, 佢地D「自家製朝鮮漬(泡菜)」 辣辣地非常好味! 最攪鬼係 「食べ放題」即係唔駛錢任食...三碗麵埋單2700円, YumYumYummmm! 食完靚麵, 同 PRIUS 影番張全家福便出發到「大分縣」有「小京都」之稱的水鄉「日田溫泉」。日田 距離福岡空港 69km, 走 "有料" 的 大分自動車道 約需一小時十五分, 料金2250円... 我們比預期的早到達, 便先到超市入貨 (職業病, 逢超市都入去睇睇)。 上糧上水後便到今晚入住的「亀山亭ホテル」, 這間中小型旅館位於日田溫泉的「三隈川」河畔, 有四十多間客房, 大部份都是 和室, 天台設有展望大溫泉及露天風呂... 我們上網預訂的和室在西館的3階, 從小露台的落地玻璃可眺望 三隈川 悠靜河境, 風景非常優美呢... 離夕食(晚餐) 尚有個多小時, 我們便到酒店附近 "週邊散策" 逛逛... 晚餐非常特別, 是坐在屋型花燈艇在 三隈川 上, 一邊享用美味會席料理, 一邊欣賞美麗的河景夜色, 點擊圖片放大 晚飯後, 更有今次到訪日田的主打節目, 觀看有四百年歷史的「日田の鵜飼」即鸕鷀鳥捕魚; 表演只會在每年的五月至十月舉行... 食飽飽又係時間去輕輕鬆鬆浸溫泉, 雖然夏天, 但又幾享受呢! 整理好明天的行程便覺覺豬... 住宿:- 亀山亭ホテル 日田温泉 Kizantei Hotel 入住計劃: お船でまったり夕食!屋形船ディナーに鵜飼い鑑賞までついちゃうプラン41,400円 (13650+150) x 3pax 〒877-0044 九州大分県日田市三隈川畔 Tel: 0973-23-2191 http://www.kizantei.com/ ……續