【廿蚊十餸車仔麵】神話面臨幻滅 – 許祥昌

瀏覽人數: 5056

曾幾何時,廿蚊車仔麵是那麼垂手可得。

對於「通貨膨脹」、「租金上揚」、「來貨價持續向上」等字眼,作為香港人,我以為經已感到麻目,直至這一晚再來到元朗車仔麵的「平霸神話」 – 許祥昌車仔麵,我再一次強烈感到本來經已習慣了的無力感。

許祥昌 – 未必每個喜歡吃車仔麵的人或每個元朗人都認識這名字,但只要說出「十幾蚊就有十幾個餸嗰間車仔麵」,他們立即會記得起這家位於元朗廣場巴士總站旁的麵店。

無論在哪一個時代,這家麵店的價錢也平到無人信。在十年前左右 – 我的學生時代 – $14就可以嘆一個All-in配料的勁飽車仔麵,據說再之前,$10就有,是劃時代的平價。

然而,從此這裡再沒有「十幾蚊」這回事了。食物價錢每天被推向高峰 (你知道為甚麼),許祥昌的車仔麵價亦兩蚊兩蚊地加下去。2014年1月1日起,這家麵店的車仔麵再加多兩蚊,加大碗由$22加至$24、大碗$20加至$22、細碗由$18加至$20,連細碗也終於升穿一字頭關口。

看著那張更新價錢的貼紙,只有無奈。

1月20日晚,我到訪這裡,點了一個加大碗幼麵,這裡不用點餸,只需兩個字「加大」,師傅會識執餸畀你。

現在的餐廳,面對社會有幾個方法 – 加價、減料、或加價減料。

幸好,即使這裡加價了,沒有減料,還是那一個All-in的模樣。麵底佔了整個碗的七成,然後上全是餸 – 豆卜、紅腸、魚旦、豬紅、大腸、蘿蔔、鳳爪、生菜、冬菇、雲吞。我一向覺得鳳爪很多餘,但這種晒冷,依舊叫人多麼興奮。

而且咖喱湯底依然濃,不錯。

食麵的時候,我向不少認識這裡的朋友Whatsapp:「又加兩蚊!」其中一位朋友,除了回我一個驚訝的Emoji,她說不出話來 (意思是不能打字回應)。

這裡的車仔麵不是最好味的美食,至少它絕對物超所值。君不見$108鰻魚飯、$68餐蛋麵等,全部都是趁火打劫。

結數埋單$24,一張廿蚊紙還不夠,要加多兩個兩蚊銀。我畀得起,但我不習慣。想起那些年,這家麵店曾經拯救過幾多個只有廿蚊跟身的窮苦學生 (註: 當年我是為了買CD而加入了窮苦學生的行列)。

這次加價後,下一次又會是幾時呢? 下一次來臨之時,就是「廿蚊十餸車仔麵」都市神話宣告幻滅的時候吧..

這一晚,我吃了一碗黯然銷魂車仔麵。

————————————-

許祥昌車仔麵

地址: 元朗擊壤路17號順發大廈地下B鋪
營業: 星期一至日7am-10pm
前往: 元朗廣場巴士總站 / 朗屏港鐵站向元朗廣場天橋橋底

————————————–

近期飲食文章:

>>> 【千層火鍋】佐敦文英街 一爐四食熱話!

>> 【捲土重來】麻布茶房結業又復活試食報告

> 【怪食實錄】中環老蘭 會爆汁的蛋包飯

6 則迴響 »

  1. Sandi Said,

    一月 21, 2014 @ 18:34

  2. Sandi Said,

    一月 21, 2014 @ 18:36

    (-。-;

  3. mint Said,

    一月 22, 2014 @ 16:41

    haha, 中學回憶

  4. 元朗人 Said,

    一月 26, 2014 @ 12:24

    超難食~~~

  5. 80後 Said,

    一月 26, 2014 @ 19:13

    初中好多時都係慳得就慳
    但食過一次都冇再去食過

    P.S. 係我咀刁

  6. 我要飛,我要張飛。» 來自韓國的大叔 深水埗賣隱世炸雞 Said,

    三月 7, 2014 @ 17:37

    [...] >>> 都市平價傳奇 廿蚊十餸車仔麵 [...]

RSS feed for comments on this post · TrackBack URI

發表迴響