每次來到土瓜灣的8度海逸,都會體驗到新意。 仍記得初次到訪時,店方以大木盒蒸海鮮,能品嚐到海鮮的鮮味,而且創意十足。 今次推出精緻版,以籠仔蒸海鮮。 店方選用特製蒸籠,放入扇貝、蝦、花甲、藍青口、蟹腳及石斑柳,陣容夠晒豐富,一次過蒸十幾廿籠話咁易,簡單的蘸點一下豉油,鮮味十足,正。 生蠔 除了蒸海鮮,餐廳更有Fine de Claire及Pacific Oysters Totten Inlet生蠔提供,全都是即開貨色,爽甜有蠔味,而且安全衛生,令人食得安心。 Seafood Station 仲有翡翠螺、長腳蟹爪、凍蝦及青口,都並非細隻濫竽充數貨色,所以是晚顧客大多專攻海鮮類,亦屬人之常情。 刺身 刺身專櫃有三文魚、吞拿魚、魚及北寄貝,解凍過程不錯,不帶一絲雪味,肉質柔軟肥美。 Carving Station 香煎鵝肝配黑松露汁夠肥美甘香,外脆內軟,口感豐腴,就算是膽固醇朋友,偶爾一件無妨。 而燒特級牛肉有嚼口,澆點燒汁就更惹味。 熱葷 紅酒燴牛尾炆得夠稔及入味,最啱配白飯。 蒜蓉粉絲蒸蟹腳一向都係「喧賓奪主」,粉絲蘸了豉汁及蟹汁,惹味度十足。 香草烤羊扒雖然偏熟,但羶味不算重,肉質有嚼口。 辣椒膏炒花甲夠辛辣,非常受歡迎,略嫌部份花甲沒開殼。 點擊圖片放大 +2 其實熱葷有白酒忌廉汁燴海鮮、泰式咖哩蝦、醬爆豬仔骨、烤春雞、香煎龍脷柳、潮式蠔仔餅、花蜜黑椒牛仔骨、酥炸青口、雜錦冬瓜環、咖哩雞、咖哩雜菜 、咖哩羊肉、燒鴨叉燒豉油雞 、清蒸石斑、小籠包及炒飯。 個人推薦惹味辛香既泰式咖哩蝦與及火喉啱啱好既清蒸石班。 湯 五指毛桃海星湯喝起來有種淡淡的椰子香氣,又夠火喉。 西湯是忌廉蘑菇湯,幾香滑。 沙律吧 基本上每間Buffet都有自製沙律,客人可按自己喜好炮製個人口味的沙律。 懶懶地不妨試下茄子沙律。 甜品 哈根大師雪糕有Almond Panna Cotta味同香草味。 而Dreyer's有New York Style Blueberry Cheesecake與及Manila Super Mango味道。 泰國雪條只取了大樹菠蘿味,係炎夏中食雪條是常識吧! 甜品首選芒果拿破崙,畢竟是店方名物,香甜酥脆,超好味。 椰汁蛋白燉燕窩夠滋潤,又有Chocolate fountain,小朋友有得食有得玩。 點擊圖片放大 +2 仲有牛油果朱古力布朗尼、藍莓合桃香蕉蛋糕、麵包布甸配雲呢拿汁、班蘭雪芳蛋糕、維也納香蕉卷、冧酒批、草莓慕斯蛋糕、德國芝士蛋糕、鮮果白酒果凍、朱古力車厘子蛋糕與及即焗蛋白梳乎厘,陣容夠強大了吧? 飲品 任添檸檬茶、橙汁、蘋果汁、奶茶及咖啡,無須就住就住,太好了! Facebook 專頁 : Café 8 Degrees 酒店專頁 : 8度海逸酒店 地址 : 土瓜灣九龍城道199號8度海逸酒店地下 電話 : 2126 1960 味道 : 4 環境 : 4 服務 : 4 衛生 : 4 抵食 : 4 位置 : 4 希望各位喜歡這篇文章的朋友,請在我的專頁上剔"LIKE",當作小小的鼓勵吧!謝謝! http://www.facebook.com/foodiephilip