無車牌, 又想去沖繩中部, 唔想跟Local Tour, 可以點?!! 搭巴士囉~~~ ** 唔想跟Local Tour係因為所有Local Tour都一定會去沖繩美麗海水族館 (Okinawa Churaumi Aquarium), 我上次跟團來沖繩時已經去過喇; 而且跟團出發時間太早, 好辛苦; 再加上我地要預留日子買個天氣保險, 萬一早2日天氣唔好影唔到婚紗相就要改尋日/今日, 預早報團唔夠Flexible ** 10:20AM 來到"安里"巴士站... 酒店行過來10分鐘左右... 10:35AM 120號巴士準時到站... Miss咗的話就要等到11:00AM先再有巴士... 上車拎張飛仔, 証明你第幾區上車, 落車時放飛仔入收銀箱, 就會自動顯示你要比的車費... 點擊圖片放大 選擇係沖繩坐巴士的話, 出發前一定要做足功課, 120號巴士平均半小時1班車, 睇定幾點有車先好去車站, 免得烈日當空下暴曬變黑炭... 公共巴士網站 : http://www.daiichibus.jp/map/ 利用路線から検索, 可以查到幾點上車, 幾點落車, 仲有巴士站位置地圖... 120 名護西空港線(共同運行)下り(名護バスターミナル) 出發地 : 第10個站 安里(又吉通り)(浦添向け) 目的地 : 第87個站 ブセナリゾート前(名護市内向け) 架巴士係有冷氣, 但太陽太猛, 好熱好焗, 坐熱狗巴咁, 座位又舊又無承托力, 坐完週身骨痛, 感覺回到70年代... (我出世前) 足足77個站, 超誇張... 係車上唔覺意瞓著咗, 醒來約上了車1小時, 剛經過到美國村, 之後唔敢再瞓, 打醒12分精神... 過咗琉球村, 接近包車, 車上得返我地2個... 12:30PM 終於都到啦, 陰公!!! 足足2小時呀!!! (站站停, 慢到嘔, 似足幾十年前由錦田經元朗/屯門/青山公路出九龍咁) 大家留意吓顯示屏, 第4區上車, 每位乘客承為1570円, 接近HK$120, 嘩)))))) 好貴呀!!!!!! 總算成功順利到達Busena Terrace Beach Resort, 感覺好幸運, 辛苦少少都值得... 相關網址 :- Busena Marine Park http://www.busena-marinepark.com/english/ Busena Terrace Beach Resort http://www.terrace.co.jp/en/busena/ 步入Busena Resort, 穿過停車場, 見到部瀬名海中公園 (Busena Marine Park) 售票處啦~~~ Busena Terrace Beach Resort 係酒店一行出來就係沙灘, 超正呀!!! 仲好多水上活動玩呀!!! 再來沖繩我一定要住呢度!!!!!! 唔知係咪Lunch Hour, 售票處唔賣飛, 叫我坐Shuttle Bus去到玻璃底遊艇度先買飛... 免費區間巴士外表好Classic呀!!! 20分鐘1班... 錯過了會曬到變人乾... (其實都行到去, 但咁曬, 唔想自殺) 坐車車真係眨一眨眼就到第1站... 離無幾遠的建築物就係第2站... 碼頭度超多人... 埋到去碼頭2隻玻璃底遊艇 (Glass-bottom Boat) 剛啟航, 有排等, 唯有週圍影吓相打發時間... 點擊圖片放大 +3 買到船飛啦~~~ 大家記得係機場拎「沖繩旅遊人 Okinawa Traveler」小冊子, 內有8折優惠劵的... (預先上網Print定都得) 海中展望塔 + 玻璃底遊艇 : 料金 大人 2,060円 8折咗1,648円, 慳412円1個人, 2個人加埋慳800幾円o架!!! 同黑白鯨合照是常識吧~~~ 20分鐘玩D咩?!! 哈哈, 全船人都係Keep住同一個動作, 好搞笑... 錄Video是常識吧... 咩都無嘅?!! 我掛住錄影, 外面發生咩事都唔知... 唔知Honey幾時影咗呢張降傘相... 嘩, 呢間酒店真係好多水上活動玩呀!!! 又過咗幾分鐘... 嘩)))))) 好多魚呀!!!!!! 好興奮呀!!! 船員開始推銷餵魚的餅乾, 100円, 好抵玩... 擘開原來有魚糧係入面o架!!!. 魚魚... 過o黎啦... 有o野食吖... 魚糧好細粒好難影, 加咗紅圈方便大家睇... 派米話咁快派完... 到尾聲成塊餅拋落去, 條魚搶到發起好大個波浪, 誇張到隔離日本美少女都大叫... 歡樂的時光過得特別快, 又係時候講Bye Bye~~~ 玻璃底遊艇 (Glass-bottom Boat) 真係好好玩呀!!! 勁推薦比有小朋友的家庭... (我驚家長們要玩2-3次先甩到身, 記得帶定多D現金) 上岸後等咗一陣就有Shuttle Bus, 第2站海中展望塔 (Underwater Observatory)!!! errr... 其實... 行都行到去... 不過太熱啦, 唔想郁, 都係坐車車啦~~~ Shuttle Bus停泊於餐廳旁, 未到2PM, 餐廳已關閉, 幸好內裡的6星級洗手間仍然可以使用... 呵呵... 舒服晒~~~ Guys & gals, are you ready?!! Go Go Go!!! 興致勃勃影相中... 見到白鯨嗎?!! 係我地剛才坐過的玻璃底遊艇 (Glass-bottom Boat)呀... 不幸的事即將發生... 大家見到相中有位女士「撐起雨傘」嗎?!! 可是令人聞風喪膽的攻擊性武器--「縮骨遮」呀!!! (♫ 眼淚在心裡流... 苦痛... 問你知否? ♫) 我冷不防會受到暴徒突襲... 仍興奮地攀在圍欄上狂影橋底的魚群... 當上圖的女士在我身後略過... 雨傘插向我的後腦, 颼一聲, 束著馬尾的橡筋即時斷開兩截, 雨傘人的男伴即時執起地上斷開兩截的橡筋放到我手心, 講咗一堆日文, 就走了, 我都比唔切反應, 怨氣無處發洩... 披頭散髮的喪B被狂風吹至歇斯底里, 面色一秒比一秒黑沉.. 坐低勉強挷返斷開兩截的橡筋, 頂硬上, 重束馬尾... (註 : 怨氣仍藏心底) 橋上有自動販賣機售賣剛才玻璃底遊艇 (Glass-bottom Boat)上買到的100円魚糧餅乾... 海中展望塔 (Underwater Observatory)小檔案... 好斜的旋轉樓梯... 有一股強烈涼薄季候風湧出... 好驚驚呀!!! 到達水深4米的太空倉... 吖, 唔好意思, 係船倉... 吖, 又唔係... 我好鍾意食魚, 海魚倉乜乜乜... I will now recap in English... Depth of Water is 4M... 伸個頭入去, 會聽到海洋發出的奇怪聲音... Bloop... Bloop... Bloop... 好重Base同Surround Sound, 猶如置身海底世界, 好奇妙!!! (errr... I mean感覺唔係置身建築物內) 係海中展望塔 (Underwater Observatory)入面有好多節目... 有睇魚啦, 睇魚魚啦, 睇睇魚魚啦, 魚魚睇睇啦... 點擊圖片放大 +3 當中最最最人氣的... Finding Nemo!!! 好可愛呀!!!!!! 有隻喪B行咗幾個圈都係停返係同一格賴死唔走... 我好鍾意影Video, 小丑魚乜乜乜... 玩自拍是常識吧... 海中展望塔內空間比較狹窄, 不宜出動自拍神棍以免造成滋擾... 放多幾張魚魚相... 點擊圖片放大 +5 雖然外面攝氏卅十幾度曬到變人乾, 但海中展望塔入面有好多部強風機一味對準我地個後尾枕噴射涼氣, 吹到個頭痛到爆, 估計我地2人都係呢度中招, 返港後相相病倒... 建議大家帶件Wind Stopper落去, 一定一定一定要有帽的!!! 2:30PM 準備離開... 喪B因為肚餓+口渴+好攰+唔願走+吹親個頭+剛才比雨傘人攻擊完怨氣無處發洩, 開始黑面想搵人咬... 無辜受害者即時遞上最後1包燕麥條, 喪B食完好似楔牙罅咁, 仍然好肚餓, 加上2人身上已經無晒飲用水, 喪B危險訊號即時提升至最高警戒級別... 黑色!!!!!! 希望在前方... 酒店有餐廳ssss... 唔知Shuttle Bus可唔可以帶我地闖出困境?!! 坐Shuttle Bus諗住去酒店搵餐廳醫肚, 落咗車先發現Shuttle Bus Hotel Stop入口只供Hotel Guests使用!!! OMG!!! Shuttle Bus已經離我地遠去, 再等的話, 要暴曬20分鐘, 我真係會餓死街頭, 唯有頂硬上, 入去... 點知原來係酒店Fitness+泳池, 真係超級"火羅", 游盪咗一陣, 終於見到Counter職員, 鼓起勇氣問佢餐廳要點行, 個職員好Nice, 無趕我地走... 佢問我地打算幾時食, 我諗都唔諗就搶答NOW!!! (好明顯已經餓到癲, 無晒儀態) 原來呢個時段酒店只有1間餐廳營業中... 好險呀!!! 職員比咗酒店Catalogue地圖我教埋我點行去餐廳, 超感激!!! (T_T) 呢間The Busena Terrace Beach Resort酒店真係超超超靚, Honey話下次再來沖繩一定要來住... 點擊圖片放大 來到The Busena Terrace Beach Resort的Central Tower 3F, 終於搵到Living Room Maroad餐廳啦!!! 沿途1個人影都無, 超寧靜, 好Relax呀... 點擊圖片放大 人生總有好多預計唔到的事情... 間餐廳... 居然無冷氣?!! 其實又唔算係, 只係打開咗超巨型落地玻璃窗, 冷氣流走晒... 好熱呀!!! 好彩有杯冰水降吓溫... 餐廳景觀一流, 內部裝修典雅, 有現場鋼琴演奏, 比美香港的半島酒店... 職員服務專業, 態度有禮, 懂英語... American Clubhouse Sandwich 1800円 -- 唔知係咪自己肚餓, 我真係覺得好好味, 公司三文治麵包烘得脆身, 材料豐富又新鮮, 薯條香脆熱辣辣, 瞬間KO, 唔知隔離枱慢慢嘆茶的客人見到呢隻餓鬼會唔會覺得好喉琴失禮佢地... Scone Set 1200円 (包1杯飲品) -- 鬆餅好好味呀, 好香好鬆軟, 唔又會太乾身, 好食過香港半島酒店, 勁愛佢的柑桔醬, 酸甜中帶果香, 狂塗, 好想帶走食剩的柑桔醬, 哈哈... Camomile Tea with Honey (跟餐, 單點800円) -- 洋甘菊茶清香, 配蜂蜜好好飲... 一壺兩份飲不太夠喉... 有食物落肚, 個腦冷靜返, 見到隔壁枱嘆緊3層架High Tea好似好正... Afternoon Tea Set 2000円 包 Petits Fours, Original Scone, Appetizer, Coffee Tea... 我個公司三文治唔包飲品都1800円, 蠢咗... 食飽飽, 舒服晒... 危險訊號由黑色的最高警戒級別降至綠色的安全水平... 哥C9餓起上來可以失常到摧毀整個紐約, 最抺一額汗的應該是Honey吧, 嘩咔咔咔... 靜靜地, 吹吹海風, 曬曬太陽, 真是一個好地方... 推介!!! 今天行程非常簡單, 得1個地點, 完成了便乘巴士回那霸市中心的國際通... 又要用上2小時... 坐巴士坐到週身骨痛... Plan行程初期係想去埋沖繩名護鳳梨園(Nago Pineapple Park), 回程再去埋美國村(American Village)食晚飯... 好彩最後決定唔去, 去1個景點已經咁攰, 去晒3個肯定散晒無命賠... 餐廳相關網址 : - http://tabelog.com/okinawa/A4702/A470201/47000297/ http://www.terrace.co.jp/ 是次每人消費約 JPY$ 1620 元 (約HK$120) 味道: 5 環境: 5 服務: 5 衛生: 5 抵食:5 ### 地址 : 沖縄県名護市字喜瀬1808 ザ・ブセナテラス 本館 3F 電話 : 0980-51-1333