[0-6°C] ~ Day 8 ~ 前文提要 : 山區天氣變幻莫測, Anytime都可以好大變化, 翠明假期導遊Thomas話山區係無天氣預報...由於大雪關係, 有機會導致或已經發生雪崩, 哥倫比亞冰川今天被封鎖了, 導遊將行程調動, 調轉第2天及第3天的行程... 心の魔鬼 : 唉... 唔通連個天都唔鍾意我?!! 心の天使 : 聽日一定會好天嘅!!!6:30am 早餐 @ 晚餐難吃到吞不下的、WiFi連接不到的、房間不能上鎖的、妄顧人客人生安全的 Prestige Inn Golden, 早餐味道又幾正常喎... 8:00am 噢... 而家仲有少少藍天(雖然多雲)... Not Bad... 出發!!! 天氣與天線都跟昨天一樣, 旅遊巴進入山區不久, 隨即刮起大雪, 張speakout7eleven寬頻及話音儲值咭又再次接收唔到Signal, 嗚嗚嗚... 我的錢呀!!! 順帶一提, 翠明假期的旅遊巴很新淨, 但座位頗窄, 身材矮小的我也感到很壓迫, 最前所未見的是, 座椅上1個掛鉤或網袋或杯座也沒有, 對於坐長途車的旅客來說一點也不方便... 昨天在飛鷹坳看過的最後一根釘, 所屬的太平洋鐵路(Canadian Pacific Railway)現在大部分時間都只會運貨, 夏天會短暫開放, 容許客運火車在鐵路上行走, 聽說團費不菲呢... 8:45am 「唔知影咩系列」の Mount Stephen House -- 幽鶴國家公園(Yoho National Park)的主要特色之一... 導遊叫大家落車, 但又迫人幾分鐘內即刻上車, 又唔講清楚係咩景點, 淨係叫人影相影相影相... 身後為Kicking Horse River... (註 : 我地而家仲係BC省) 9:15am Emerald Lake 翡翠湖 翡翠湖位於幽鶴國家公園 (加拿大BC省), 是幽鶴國家公園內61個湖泊和池塘之中最大的, 是公園的重要旅遊景點之一... 翡翠湖被President山脈、Burgess山及Wapta山包圍, 導致夏天經常下雨, 冬天則下大雪... 由於位處高海拔地區, 湖水由十一月至六月都會結冰, 直到7月山上積雪融化時, 含有大量石灰石粉的湖水會泛起醉人的翡翠綠色... 點擊圖片放大 +2 咦... 點解冰封的翡翠湖上面有幾粒移動緊嘅豆豉?!! 嘩嘩嘩!!! 係冰封的翡翠湖上面溜冰呀!!! 好型呀!!! 等我Cap低佢先... 呵呵呵... 你走唔出我手指罅嘅... 繼續影影影... 好美的山區小木屋呀!!! Key自己上去先... Pose 1 -- 食冰... Pose 2 -- 10大最老土影相姿勢之V勝利... 9:45am 短暫停留半小時, 要離開了... 旅遊巴穿梭於山區之間, 我的耳蝸劈哩啪啦響過不停, 好痛呀!!! 天呀!!! 又唔係搭飛機, 點解都會Ear Block o架, 我無可能全日不停食收鼻水藥o架!!! 我好想喊囉!!! 外面又再刮起大雪, 心情好沉重... 張speakout7eleven寬頻及話音儲值咭又再次接收唔到Signal, 嗚嗚嗚... 我的錢呀!!! 10:30am Fairmont Chateau Lake Louise 露易斯湖堡壘酒店 來到今次洛磯山脈4天團的重中之重... 我地會係度玩, 係度食, 係度瞓, 套用表弟果句 : Are you kidding me?!! 哈哈... I'm serious!!! 午餐於Lago @ Fairmont Chateau Lake Louise~ 由於露易斯湖大長篇, 相片又太多, 都係另起一篇Blog文詳細交代吧喇... ~ 待續 ~ 加國「喜行大溫」2014 の 總匯 http://www.kenmerry.com/2015/01/Vancouver-Canada.html