Blog: http://zurg0117.blogspot.hk/2015/01/2014day3-howdy.html 自駕遊其中一個大好處, 就係你想住邊都得, 唔需為交通問題左將右就. 如果大家去長野縣的白樺湖, 索鋴100%推薦你住呢間民宿~ Howdy~~! http://www.jalan.net/yad347644/ 首先講下搵民宿. 網站千奇百趣, 但揀黎揀去我一直都用jalan, 首先網站選擇眾多, 價錢合理, 仲要絕大部份都可以現場俾錢, 行程的靈活性相對大增. 而且, 索鋴感覺jalan係最多"民宿"供應, 要靚要豪; 抑或要平要床位過夜都有得揀~ 最重點係jalan的評分大多來自日本人, 佢地唔會俾得太低分, 但如果係高分既, 你一定可以放心預約! 今次的住宿, 目的係想一試日本精緻民宿的一泊兩食. 其實由車山高原一帶, 到白樺湖甚至再落蓼科高原, 分佈的民宿如銀河星數. 預算過有限的駕車能力後 (是日行車以低於100KM作準則)和價錢評價, 最終選擇這間Howdy~ 可以提過小tip, 因為Howdy好似深藏晌森林入面咁, 除左依靠GPS, 大家可以先晌google map預習下轉入去邊個小路位, 最好係入黑前到埗. 不過, 連索鋴初心者都一次"駕到", 你地可以放心~ 睇下個外觀先, 由清里到呢邊都係呢種歐風民宿, 好似唔晌日本咁 帶你地睇下內觀啦, 田園風 + 100%整潔. 我個間係double room, 價錢係26,000円. 一泊兩食, 正評... 100分!!!! 黎個足料晚餐先~~ 支酒係主人推介, 英文唔錯喎~ 開支飲先, 好好飲! 預約時講過, 今次係索鋴結婚週年旅行, 窩心主人就送呢個俾我地~~ 好滿足既晚餐過後, 民宿仲送你一個紅色大浴缸浸下溫泉 (係咪溫泉水就唔清楚啦), 白樺湖入夜又清涼, 8月大熱天同呢度完全扯唔上關係~~ 好舒服呀.一覺訓醒, 見到白樺林, 空氣好到不得了, 即刻深呼吸幾下洗肺先! 再黎個重份量早晨全餐 民宿~ Howdy有咩唔好哩? hmm... 除左係遠離白樺湖周邊, 附近無便利店之外, 基本上係無缺點. Howdy總數只有6間房,岩岩上jalan查過, 已經升到5分滿! 想住既要快手預約啦!