中亞之旅- Day 1 出發喇~ Hong Kong – Tashkent

瀏覽人數: 3041

2012年9月,作了一次人生中十分爆炸既一趟旅行。到了一個發夢都估唔到自己會有機會踏足既神秘國度- 中亞三國: 鳥茲別克, 哈薩克和吉爾吉斯。這趟旅行由決定要去,搵料,同agent溝通到真正出發,足足籌備左1年零3個月,出發當日,心情很是激動,真沒想到我這個做事從來只是三分鐘熱度既人居然可以堅持左咁耐~~~這旅程充滿歡樂,滿載美好回憶,也有驚險既時候,一直都好想坐下來好好記錄返旅程上每日發生既事,但一直拖,到今日終於都開始了。要努力完全10多天旅程既遊記!! 先來第一天的~~~~後面陸續有來!!!!

 

第一天,先坐淩晨既飛機到首爾,由於香港係冇直航機去烏茲別克,所以要響首爾轉機過去。另外,亦可考慮由烏魯木齊或者曼谷轉機的。而家亦多左個choice,就係響香港坐直航機去阿拉木圖(哈薩克前首都,該國最大城市)再轉去其他中亞國家。Check-in 既時候,地勤哥哥要我地出示烏茲既visa俾佢睇, show 左LOI就攪掂,成功拎得2程機既boarding pass入閘, 哈哈,沒想到可以搭A380,好興奮囉!!!!出發咯~~~期待左一年多既旅程正式展開!!!!

 

 

到達首爾既時間係當地既淩晨5點幾,我地要響等10個鐘頭,到下晝3點幾先再搭飛機去鳥茲別克首都塔什干。一落機,就搵位訓覺,到到8點幾,人開始多,開始嘈到訓唔到,於是就響機場周圍遊了。

 

 

由天黑到日出~~~

 

 

機場之午餐。只不過係7000-8000 won, 味道不錯呢。

 

 

機場內之”大長今”巡遊”~

 

 

一直期待著15:40之到來~~

 

 

在首爾待了十個鐘,終於可以向神秘國度進發了~~~

 

 

窗外之雪花~

 

 

新彊上空拍得嘅天山山脈~

 

經過7個鐘既航程,終於都到左鳥茲別克既首都: 塔什干。這是第一眼看見的塔什干。Hello, Tashkent!!!!

 

 

到埗後一落機就見到個美女姐姐響度舉住個有我大名既牌,之後佢就帶我地去immigration hall度攪入境手續。原本佢係幫我地插左隊既,點知最後都係要俾人點左去整左landing visa先。我地去左個counter果度,旁邊有1個同胞,2個來自奧地利既auntie,我地企左響度好耐都冇人黎幫我地,之後2個auntie大聲叫過去另一個counter果度,之後先至有個人黎幫我地。

 

好唔容易,先至攪好左個簽證,盛惠70大洋美金,好彩望一望,果個整visa既大叔居然入左係一次性既visa,如果得一次,之後響吉爾吉斯返來都唔知點算~~即刻走返埋去同大叔講,佢就咁響個visa上面將個 “1” 變返 “2” ,之後再劃埋龜就攪掂左。咁樣攪攪下,就已經成個鐘,大部份既人都已經出晒去,呢個時候,旅程既第一個亮點黎喇~~~~ 原來我地既agent仲搵左個人幫我地過海關, 果個簡直係超靚仔~~~令人眼前一亮!!!!就係因為我攪左勁耐都出唔到去,佢成日響出面好無奈咁望住我, 攪左一陣,終於出到去會合佢了~~領返行李之後,佢就帶我地過海關,佢仲響度睇我地既passport,響度拚我地個姓點讀,但係又準個喎,呵呵!! 過完海關之後,佢就帶我地出去搵我地既司機。佢送到我地出機場出面,之後仲同我講bye bye添呀~~可惜中亞既機場全線都係唔影得相,同唔倒靚仔合照。呢個應該係整個旅程唯一既遺憾。

 

Meet到個司機之後,佢就車我地去酒店, 呢個司機,係全程中我地唯一一個dislike既司機~~~佢唔幫手拎行李都算,仲要帶人地行埋d泥路,唉~ 真係汗呀~ 之後就去酒店, 酒店離機場好近, 只需10-15分鐘既車程,一入到酒店就見到agent大叔, 佢幫我地攪check-in, 之後坐低傾黎梗既行程同收數。我地仲用黑市價同佢換左100美金既當地幣。臨出發前已經收到agent大叔既email,千叮萬囑我地唔好響official exchange office度換錢。

 

 

響烏茲別克,人人都是百萬富翁~~~日日都可以過著數錢數到手抽筋既日子!!!!!!

 

Settle好晒,跟大叔定好左聽日幾點出發之後, 就返房休息。第一晚住既酒店房,係全程最差勁既。勁有黑洞feel, 尤其是果個花灑,水壓完全唔掂。不過一晚半晚就算數了,還好酒店有免費wifi, 可以上網報個平安, 之後就休息了。

 

This entry was posted in 未分類 and tagged , , , . Bookmark the permalink.

8 Responses to 中亞之旅- Day 1 出發喇~ Hong Kong – Tashkent

  1. 胡蘆 says:

    我都是拿HK護照,打算今年9月去中亞, 請問你在那裡取吉爾吉斯簽證? 因你是經陸路由阿木圖進, 陸路可以拿到簽證嗎? 我以為只有Bishkek 機場才做到. 請教我點做?谢谢.

    • little_sun says:

      我當時所有簽證都係through agent 搞的。響香港出發前所有簽證都已經搞掂。去中亞太多不確定性,規矩隨時會變,我覺得如果要陸路過境,最好都係搞好曬簽證先過去會安心d~到時真係同關員雞同鴨講㗎,佢地完全唔曉英文。

  2. 小熊看世界 says:

    我當時係拎特區護照入境的。但記住去之前要拎到LOI響手,攪落地簽證果陣一定要有的。

  3. 小馬 says:

    請問妳是拎哪一個護照入境烏茲別克辨落地簽證?

    謝謝妳。

  4. 小熊看世界 says:

    嘻嘻,thx,我會加油。你去年鳥茲兩星期嘅行程係點架?

  5. lanniettb says:

    期待你的行程分享!特別是吉爾吉斯!

  6. 小熊看世界 says:

    我地果次去搵左一間叫Fly Booking International嘅agent,我地去左3個國家,淨計團費(r唔計international flight同食飯買野使費),大概每人USD2000啦~ 我地個package包埋visa support,所以LOI 錢package已經包左,只係去到鳥茲入境果陣自己俾錢攪landing visa~

  7. lanniettb says:

    去年7月我們也到烏玆別克玩了兩星期,請問你找哪間agent?Package和LOI收費多少?

Comments are closed.