前幾日去開又一城行街買鞋,行行下見肚餓但又未到食飯時間,咁岩行過見到「Twelve Cupcakes」,呢間舖頭成日見但好少買黎食,因為之前食過某d店舖的cupcake上層忌廉做到好硬,下層蛋糕又唔夠軟身而且好乾,所以心理上有小小陰影。但當日行過見到每個個樣都好吸引,而且又開始肚餓,於是都係要試下! 其實有好多款都好想食,好似荔枝、雙重朱古力、曲奇忌廉! 最後我地揀左岩鹽焦糖同埋朱古力榛果醬! 朱古力榛果醬上層的忌廉已經係榛子醬味道,下層有濃濃朱古力味又軟綿綿的蛋糕,果然朱古力加榛子醬的確係絕配! 岩鹽焦糖絕對有驚喜,比起朱古力榛果醬我更愛呢個!雖然上層有好多焦糖醬,看似甜膩,但食落去甜而不膩,加上軟綿綿的蛋糕,絕對會想追住黎食! 我已經諗定下次同朋友聚會唔洗再買普通蛋糕黎當飯後甜品食喇! 「Twelve Cupcakes」 地址:九龍塘達之路80號又一城L1層 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle