其實呢間粉麵店我已經食過好多次,每次都係深宵時分黎呢度,不過因為夏天開始熱所以呢排都比較少黎。但前幾日半夜的時候突然好掛住呢度的牛丸麵,於是同老公背住食宵夜的罪惡感黎呢度! 點解咁鍾意食呢度的粉麵?原因係呢度的麵完全無鹼水味,而且湯底真係好夠味!如果平時係其他地方食牛丸麵,我一定會加腩汁,因為出面的湯好多時都係淡如水,但呢度就完全唔需要擔心呢個問題!呢度好多街坊食架,即使之前深夜時分(凌晨1-2點)黎到都好多人,當晚12點幾黎到眼看都有3-4枱客! 每次黎親呢度老公都會叫水餃麵,自家製的水餃入面都唔馬虎,水餃皮好薄,完全無食粉團的感覺加上豬肉餡同雲耳! 除左水餃麵,呢度都好多人食豬手麵!但係唔知點解我由細到大食粉麵的話都係獨愛食牛丸麵!呢度的牛丸好彈牙,而且最鍾意呢度的粉麵唔會太大碗,宵夜時間食岩岩好,唔會食到好飽搞到訓唔著!而且不得不提的一定係呢度的紅醋,食麵好多時都會落醋,但往往好多地方的紅醋一係就落好多都仲係無味,又或者係落少少已經令成碗麵酸到不能再食!但呢度的紅醋係帶有甜甜的味道,加埋落湯更加好味!每次黎都差不多會飲哂成碗湯!。 太為食的關係,食緊先記得要影相! 真係湯都差不多飲哂! 「興記麵食家」 地址:太子基隆街51號地下