龍脊 , 都久仰佢既大名好耐 第一次知道哩個地方既時候, 係係Instagram見到有人Post左張相, 當時覺得: 哇!哩度好靚好藍呀! 歐洲邊度既海邊小鎮黎架? 點知原來係香港既地方!! 當時已經話一定要去!!! 但由於我住係屯門, 去龍脊又要先去到筲箕灣, 已經轉車轉到世界盡頭先會到, 但到筲箕灣其實仍然要再轉程巴士, 完全又係地鐵圖既左上方坐到右下方... 啊....好遠呀.... 所以遲遲都唔肯起行哈哈 不過其實點遠, 都係係香港, 無理由搭飛機去旅行又肯, 去香港境內遠少少地方都唔肯 於是咁岩某日有事要去北角, 搞掂D野時間尚早, 咁就順便去埋啦!! ------------------------------------------- 交通: 筲箕灣地鐵站A3出口巴士總站 --> 9號巴士-->土地灣落車 行龍脊傳統路線都係 土地灣-->打爛埕頂山-->龍脊-->大浪灣 (3hours) 一於跟哩條路線啦~ ----------------------------------------- 一落車就係龍脊入口, 好多人呀~ 估唔到閒日都咁多人, 果然係好出名既行山路線 行個日係立冬後, 但天氣都係熱到....仲有成30度囉....十一月啦.... 不過天氣好好, 算啦!!! 一開始都係哩D路, 簡單 間唔中有樓梯要上, 但唔多, 輕鬆 行左陣已經有景睇! 正~開心 都幾多哩類不規則石路, 但唔難行! 藍天配綠山 遙望大潭水塘 紅山半島 唔知會行去邊度?? 慢慢行 行左半個鐘左右, 都已經上到去開揚既地方望到靚景啦!! 石澳村, 石澳泳灘 之前睇人地既相, 心諗邊會有咁藍呀! 肯定執過相啦? 但原來好天既時候, 肉眼睇真係咁藍架! (我認我加左小小Effect, 因為加完先影到我肉眼睇個種感覺!) 上到去一路都好開揚, 可以一路望住哩個靚景行真係好正, 而且幾涼爽 大熱芒草? 太靚,忍唔住係咁影低 石澳村+石澳鄉村俱樂部 就係哩度, 令我第一次睇到相時候, 以為係歐洲海邊小鎮 加埋一望無際既海景真係不得了 見到唔少人玩滑翔傘~ 好爽好自由自在咁, 我都好想飛呀 \ 都幾多人會係度影相既 綠色隧道~ 唔知點解諗起烏克蘭好出名既愛的隧道, 我叫哩條做Love Tunnel係咪都可以變景點? 行行下會上到一個開揚地方, 可以差唔多360睇景 左邊係紅山半島+赤柱+再遠D既南丫島 右邊又係石澳~ 點擊圖片放大 大頭洲 點擊圖片放大 +2 回望 點擊圖片放大 +2 黎到山頂啦!!! 打爛埕頂山! 成日覺得哩個名好似以前獎門人其中一個環節問個D: 以下邊一個地方係香港真實存在? A.打爛埕頂山 然後一堆奇怪名 由於好多人係度影相...所以我逗留唔耐就繼續行算啦 遙望今日要到既終點 大浪灣 再行見到觀景台 開始行哩度之後, 就冇乜景睇啦~ 一路上都係哩D樹林景/路, 其實自己行真係幾悶下!! 唯有自得其樂啦~ 哩個石好似埃及D妖后 經過少少的澗 間唔中透過樹叢望到DDDDDDDDDDDD景 行到咁上下見到路牌~ 往大浪灣行~ 開始行石屎車路 行到咁上下應該到郊野公園~ 有個位可以望下高樓景, 應該係柴灣?定小西灣? 有涼亭可以休息 行到咁上下有路牌, 向前就到小西灣, 向右落係去大浪灣~ 又開始行樹林 途中見外國人拖埋狗狗行~ 正 行到哩度! 終於到啦~~ 點擊圖片放大 +2 藍白小屋 大浪灣~ 衝浪勝地~ 點擊圖片放大 本來仲想等睇日落~ 但成身臭汗之下, 又要比蚊咬到死下死下, 個刻好想走就走了~ 回程坐小巴返筲箕灣~ 係小巴上睇小小日落 ------------------------------ 返到筲箕灣, 去左電車總站, 見到哩一幕立即0.1秒拎相機出黎, 急忙咁影低 So Sweet Sweet呀~~ 行得幾慢都好, 都會陪你行到終點既老伴... (偽文青mode on) 老人與老香港交通工具-電車 ------------------------------------ 行山行左全程只需約三個鐘, 由於落車點已經算係山上, 所以上山頂只需半個鐘就睇到著名靚景, 極岩唔想行太耐又想睇靚景人士, 睇完可沿路折返/繼續行去大浪灣/小西灣等 龍脊景又靚又容易行, 不愧係亞洲最佳市區遠足徑