18-11-2015 前一日太攰~ 好遲先起身 成點幾先出門 黎到泰國, 最鍾意坐TukTuk, 雖然唔平, 一定要講價啊! 黎到幾乎都係坐TukTuk出入~ 勁懶 :P 曼谷既Taxi好Colorful 出發去搵野食先~ 途經見到哩個.... 泰國補習名師???? 係Food Court 求其搵左D野食 之後開始行下, Terminal 21 每層都以唔同既國家做主題 , 幾特別 點擊圖片放大 Minion 即影即有好得意呀! 黎到哩度無乜影相 , 行到咁上下見到間幾靚既Cafe就去坐下啦 點擊圖片放大 雖然係廁所影相好MK, 但想影低哩個幾特別既Design 係哩個商場消磨左一個下午後, 返酒店擺野就出發晚餐+Massage *_* 黃+藍配色既TukTuk 好有Minion Feel ------------------------------- 去到做Massage既附近, 我都唔記得係邊度啦, 有夜市, 都幾多野食 見到有唔同色既"燒賣"物體, 綠色好詭異下喎...無試 去左檔街邊檔坐低食碗粉 加左佢地D辣醬, 我地眼都唔斬咁狂落 , 坐對面既當地人驚訝地話, 好辣架!!唔好落咁多啦!! 的確好辣, 但勁正, 果然街頭野最有風味 辣 :P ~~ ' 食飽就去Massage啦~ 去左朋友髮型師個客既鋪頭~ 係嫁左去泰國既香港人開, 叫Sook Sabai Health Massage 樓下: 因為我地時間比較晚到, 所以冇晒客~做埋我地就收工, 成間野都冇人 我地選擇左做全身磨砂+按摩 環境好relax, 又係訓覺既時候 但可能我唔慣, 唔係好放鬆到 不過做完之後真係好舒服, 又好開心, 因為成身滑lulu又香噴噴咁! 埋單唔平架, 不過無所謂啦 埋完單再坐下, 送左個Soap, 同埋兩個椰子Jelly比我地, 個jelly好得意 走左之後係附近既夜市再閒逛下就返歸啦~~~