16-11-2015 又要講, 隨住平機票既瘋狂出現, 一年一次旅行已經滿足唔到人類 之前襯Airasia特價Package時, 買左5日4夜連酒店套票大約$1800就搞掂!! 但因為頭2日想去華欣, 所以可以減去第一日酒店, 華欣酒店自己另外Book ------------------------------- 初次坐Airasia, 位置幾舒服喎~ 而且態度好好, 時間都幾準時 飛機上面買野食好平! 我記得買左個好細既芒果糯米飯, 都係HKD$20 ! 算平啦 不過, Airasia 去曼谷降落既機場係舊機場 廓曼~ 留意返 出境都唔算排好耐, 然後一出去就有買電話卡既地方, 由於我覺得泰國實在乜都好似好平, 所以都冇特別去再比較, 買啦買啦!! 由於我地既第一站係去華欣, 但係廊曼機場係冇巴士去, 要出市區再轉van仔, 一係去新機場再轉巴士... 突然嫌煩, 因為今次旅行想嘆到爆! 所以出發前三日先上網搵包車 求求其其搵左DING TAXI , 好貴下啊>< 不過想舒舒服服就算啦! 出左機場就聯絡司機啦! 講起就好笑 我一打比司機, 我見附近有個男人又拎起電話, 望住佢口形, 仲要同我司機係電話講既野吻合, 咁我咪走去相認囉, 點知佢一臉奇怪咁, 原來唔係佢......哈哈 後來好快搵返我地既司機啦~~ 我終於可以一嘗有人拎住我個名牌等我既滋味 哈哈-_- 由曼谷去華欣都成兩三個鐘, 買左D野食, 司機話可以係車上食 兩個好平既飯 一路上真係好多時都係直路, D司機可以唔眼訓真係好勁.... 坐到咁上下有油站, 可以落車伸展下 去到華欣都成下午5點幾啦! 待續