祟尚窮活的我去澳門玩又點會坐豪華船位,今次純粹因工作關係要同上司去一趟而有機會乘搭TURBO JET的豪華船位。我一直以為要add value去呢短短一小時的船程係唔容易,但估唔到TURBO JET真係成個過程都fine tune左而令人覺得俾多左錢係值得嘅。其實TURBO JET仲有再高級嘅尊豪船位PREMIER GRAND CLASS,購買尊豪船位同豪華船位嘅乘客係另外有一個等候區,區內梳化當然比普通等候區較大較舒服,職員亦會首先通知尊豪同豪華船位嘅乘客可以上船。 另外,尊豪船位同豪華船位嘅乘客都可以免費享船上晚餐同飲品。每份晚餐都有一份啫喱同一杯水,可惜回程只得叉燒飯,冇機會品嚐其他食物。如果唔想食叉燒飯都可以要求杯麵或者三文治。我見有乘客唔要晚餐,只要支裝水同罐裝飲品亦得。點擊圖片放大 +4 食完飯,飲住免費雀檸,睇一陣TURBO JET嘅雜誌就到香港。點擊圖片放大 Blog: https://kongleicouple.blogspot.com