繼Bruno blender後,又入手Bruno Toaster Grill,之前周圍都斷貨,終於上個星期收到。 本身屋企有微波爐,但係我住咗年幾都只係用左10次唔夠,買左呢個Bruno之後,就收埋左個微波爐喇。暫時主要用嚟整早餐,雪櫃有乜就擺上麵包上面,幾分鐘就有得食,好方便。隨機附送的食譜入面仲有烤肉同簡單蛋糕仔的食譜,而家天氣凍少出街,可以慢慢試。呢部機簡簡單單,只係較上下發熱同時間,好適合怕麻煩的我。 以前好少煮食,而家多機會煮,又買多左工具,愈來愈覺得煮食係好好玩呢!