今朝返返下工,突然落雪,大家都啊~一聲,冬天真係到喇! 同朋友提起呢邊開始落雪,大家都心心眼。至於我,只係期望唔好咁快積雪,因為一積雪就要到下年4月先會完全無雪。半年的冬天,幸好我唔怕凍,但係對雪真係無乜特別感覺⋯⋯可能呢個就係旅行同生活的分別。 好多時上網都會見到有人問冬天去北海道應該點樣預備衣著,簡單一句,洋蔥式著法就一定無錯。經過上年冬天試驗,今日要推介呢件Daiso寶物,負10度著呢對行返工都無問題,而且入到室內20幾度暖氣亦唔會熱到出汗。雖然係Daiso出品,但係呢對襪要300円,一開始凍就會斷貨,所以今年一開季已經入定貨。同樣針數的厚襪褲,去靴下屋買最少要1500至2000円。襪始終係消耗品,好容易殘,所以呢對真係好抵著!唯一的缺點就只有M-L Size,如果身型較高就未必啱。 下次經過Daiso可以望下,買返對看門口都唔錯!:D