前兩日落左order,今日放工就收到呢件新玩具喇! 自己一個人住之後,要自己煮飯,到近來工作忙,真係無心機煮。而且擔起頭家,大把家務要做,好多時唯有揀hea食。本身好鍾意食野,所以諗煮咩食係無問題,洗碗都無問題⋯⋯慢慢發覺,我真係好唔鍾意切野!!!有時去到超級市場,諗起想煮咩,一諗到要切野,寧願hea煮。諗諗下覺得唔係辦法,食得好係好緊要! 其實未嚟日本之前都有睇過呢d blender,但以前好少煮,所以無買。上年初初到,都有去睇,不過當時仲有空閒時間,自己慢慢煮都得,就無買。到今年忙,又再諗起呢樣野,竟然仲啱啱新出粉紅色,真係註定要買! 今晚到就即刻洗左,聽日就可以用喇!