今日要同大家分享下,住左一年有多,都仲係好唔習慣的事! 普遍外國人來到日本,都發覺開戶口好困難,由於門檻相對較低,好多外國人都會開JP Post的戶口。最初的時候,好彩有事務部同事同我一齊去開戶口,所有嘢都簡單得多,而且銀行近屋企同返工,非常方便! 我的戶口係北海道銀行的,申請戶口的時候,順便申請ATM咭。來日本之前都知,日本的ATM並唔係24小時服務的。最估唔到的係⋯⋯原來仲有分時段收服務費!!!!如果想用ATM攞錢,只係平日一至五,8:45-18:00可以免服務費,其餘時段要收108円!雖然108円唔係大數目,但係去100円店都真係買到嘢。呢一年入面,每個星期五就要睇下銀包有幾錢,趁lunch去拎定weekend要用的錢。 成件事真係好婆仔,但係大家又唔會覺得有問題,只係我自己仲係好唔習慣呢!