大家唔好俾個標題嚇親,放心,唔係我放產假,只係今日同同事傾開,所以記低。 同事突然講起放產假,原來日本媽媽有一年有薪產假,仲可以按需要申請多兩年無薪假,總共可以放三年!!!至於日本爸爸,侍產假都有三個月!!!聽完我真係呆左,連日本爸爸放假都比香港媽媽長,只可以話,香港人真係刻苦耐勞!同事問返我香港的情況,我答媽媽只有十星期!今次到佢地好驚訝,十星期???定十個月呀!跟住佢地就話,太厲害,十星期完全想像唔到!!! 離開香港生活,真係發覺世界那麼大,亦發覺香港的福利制度好落後!當然香港普遍人工比日本高,稅率相對低係有一定吸引力,但係政策上以人為本還是以商為本,顯而易見!當然日本亦有其他問題引致出生率低老化率高,始終要唔要下一代係個人選擇。希望大家無論身在何地,都努力為下一代建設更好的社會。