呢排真係忙到傻左...連打blog既時間都冇..所有野都進入大直路~~希望可以輕鬆少少啦!! 朋友生日, 點都要見~! 地址: 灣仔軒尼詩道239號29-30樓 - PIRATA! 價錢唔平嫁, 但係食物有質素, 環境好,服務都好~個侍應哥哥好NICE~~係咁同我地傾計~~ 一分錢一分貨~~意大利菜都唔係食分量..而係食精緻, 食氣氛既~~ 呢度既裝修係浪漫, 如果慶祝周年紀念既地方, 一邊望住靚景, 一邊燭光晚飯...不得了~~ 呢間餐廳每一道菜都係花左心思 先黎前菜黑醋橄欖油麵包, 其實都好好味, 食左幾塊XD: 我幾鍾意食包. Vitello tonnato :小牛肉配吞拿魚醬 我朋友話最鍾意食~我都認同佢地兩樣野咁樣夾埋, 再加麵包,係正既~ 我好怕吞拿魚個陣腥味, 但呢個醬無, 而且好滑 octopus salad:坦白講, 我有少少失望既..雖然係octopus新鮮, 好彈口... 但係佢地好似哂唔係好夾到個味..又加埋菠蘿, 有少少怪.. Asparagus flan: 呢個係好特別既, 好似 梳乎厘咁! 哈哈...係整到梳乎厘既效果..但又唔係重蛋白味. creamy , cheesy.. 好似食緊D分子料理咁... MMM- Signature 其實即係茄汁肉丸~但係呢個肉丸係好特別~~我覺得唔係只係牛肉..之後睇返Meun先知原來仲有豬肉~!! 佢地既肉丸無咩汁, 反而有牛油、香草味 噢! 忘記左, 佢地上菜時候, 先會親身磨芝士上面, 係好好味既~~ Classic Croquete: 其實即係炸芝士波~!我以為係薯仔, 但係食落先發現, 係飯黎既! 都幾特別既, 我好鍾意食呢D香口野... 佢地唔會炸到好油...好似細個阿媽整俾我既小食咁XD Tagliolini Truffle, 如果係係好鍾意食truffle, 呢個岩哂你.. 但本人係極度討厭呢種味道既, 但按我鍾意食truffle既朋友表示, 呢個係100分既..佢地仲話想encore...因為真係好重味道..我心諗:見到上面咁多...都好難唔重味啦X.X Gnocchetti. honestly, I love gnocchetti so much, this is standard level. 佢地唔會整到好軟, 菠菜味好濃, creamy, D 蝦就無咩特別 (but this is not the best gnocchetti I have) Liquid Parmesan Ravioli - Ravioli一向係我最愛, 因為我好鍾意食類似餃子, 不論中式定西定.定意式! 而且我好鍾意食千層闊條麵, 某程度上, Ravioli就係縮細版~!! 呢個係十分十分重芝士~~D芝士係可以拉絲~~仲要係我最鍾意既parmesan!!XD 食到最後, 本身我地諗住上30樓,頂層bar room飲野~~但當晚落雨, 有少少掃興, 所以睇唔到靚景~! 最後我發現, 原來佢地主打係食lunch既buffet~而且好似幾抵咁~下次有機會黎試下先!!